Evel boaz pa vez o tostaat an dilennadegoù e fell d'an dilennidi diskouez pegen laouen ha menet int gant ar brezhoneg, daoust da gKuzul-meur Penn-arBed bezañ chomet hep votiñ ur wir bolitikerezh yezh a-pad ar respet ! Votiñ war hor yezh a vo graet e-pad dalc'h an 29 a viz Genver eta. A-dra-sur e vo un abadenn fromus ken-ken, lec'h ma embanno an holl a-unan pegen a-du e savont gant saveteiñ ar brezhoneg. Ret mat dezho klask pakout mouezh yann voter.
A live e vo ur wech c'hoazh Pierre Maille hag e skipailh, gant ma tiskouezont mat bemdez o dismegañ : n'eo ar brezhoneg nemet folkloraj mat da sunañ mouezhioù pa vez dilennadegoù ha peadra da blijout d'an douristed. Ne tisoñjimp ket komzoù Pierre Maille avat pa tisklerie e 2013 ne vefe ket ar brezhoneg yezh an darempredoù ken, ha ne oa nemet ur glad bennak da zerc'hel. Mantret e oamp bet gant an dismegañs-se ouzh ar vrezhonegerien hag ar re a stourm evit treuzkas ha lakaat bevañ hor yezh.
Soñjal a ra deomp avat ez eus un dazont evit ar brezhoneg hag e rank ar plas a gav hag a gavo e Breizh bezañ a live. Hep tamm keuz ebet e lavarimp « Kenavo Pierrot » da bPierre Maille na vo ket war ar renk an dro-mañ. Ha pediñ a reomp an holl a fell dezho da gemer perzh en digor-kalon a vo aozet en e enor dimerc'her da noz dirak Kuzul-meur Penn-ar-Bed e Kemper. Dont gant bep a brof arouezius evitañ a vefe brav. Un nebeut mennozhioù a c'hellomp reiñ : botoù-koad, panelloù hollc'hallek, programm 2012 ar PS… Kozh traoù n'int ket talvoudus ken, hag e c'hello mont kuit ganto holl ! Evit diskouez pegen fromet eo strollad Ai'ta ! e tegasimp ur prof ispisial dezhañ.
Ouzhpenn un digor-kalon e vo an degouezh-mañ ur mod da zegas da soñj da zilennidi Kuzul-meur Penn-ar-Bed, ar re zo bremañ pe ar re zo da zont, hor c'hoant splann hag eeun da welet ur bolitikerezh yezh youlek bezañ lakaet e plas en departamant. Pediñ a reomp eta kement den, kevredigezh, strollad politikel pe sindikad tomm ouzh ar brezhoneg da zont dirak sez Kuzul-meur Penn-ar-Bed e Kemper (32 Boulouard Dupleix, 29000 Kemper) a-benn ar merc'her 28 a viz Genver adalek 6e30 noz, ha da dreuzkas ar bedadenn-mañ.
- Pot de départ de Pierre Maille mercredi à Kemper : « Kenavo Pierrot, et bon débarras ! » par Ai'ta ! Kreiz Breizh le 23/01/2015
- Oui à l'Assemblée de Bretagne ! 29 + 56 + 44 + 35 + 22 : rendez-vous à Nantes par Yannnig Baron le 08/04/2014
- Gad-Cecab: réaction du président du Conseil général du Finistère, Pierre Maille, par Louis Gildas le 12/10/2013
- Respont Div Yezh Breizh da gomzoù Pierre Maille par Div Yezh le 28/01/2013
- Réponse de div yezh aux propos de Pierre Maille par Div Yezh le 24/01/2013
- Une première : mini salon littéraire au Ceili jeudi après-midi. Invité d'honneur : Pierre Maille par Collectif Breton pour la Démocratie et les Droits de l'Homme le 15/01/2013
- La lettre ouverte d'André Lavanant à Pierre Maille par La Rédaction le 13/01/2013
- Amis francophones du Québec et du Monde : Pierre Maille contre la langue... française par Blanc c exprimé le 11/01/2013
- Emglev Bro Karaez réagit aux propos de Pierre Maille par Spered Gouez / L'esprit sauvage le 08/01/2013
- Football gaélique à Rennes 29 mars par Roazhon GAA gaelic football club le 28/03/2008