ABP

- Agenda -

War roudoù emgann Kergidu

War roudoù emgann Kergidu D’ar Sadorn 23 a viz Meurzh 2024 – Kastell-Paol – Plougouloum – Trelaouenan – Kleder – Berven (lusket gant Rafael Urien)

Par Rafael Urien pour Kevredigezh Vrezhon le 8/03/24 0:02

War roudoù emgann Kergidu

D’ar Sadorn 23 a viz Meurzh 2024 – Kastell-Paol – Plougouloum – Trelaouenan – Kleder – Berven (lusket gant Rafael Urien)

E miz Meurzh 1793 e savas poblañs Gorre Leon, renet gant Klaod Gabriel a Gerbalaneg, a-enep d’ar republikaned c’hall, ar jeneral Canclaux pergen en o fenn. Goude kabaduilh Kastell-Paol d'ar Meurzh 19, deiz ar marc’had, ez a an emsavidi, war an dro skuizh ha birvidik gant ar C’horaiz war echuiñ, d’en em aozañ e Plougouloum. War-nes int d’ober o stal d’ar republikaned c’hall deuet war o lerc’h e-kichen pont Kergidu, pa’z eo ar C’hallaoued saveteet a-benn ar fin gant o c’henseurted o tegouezhout eus Lesneven, d’ar Sul 24, Sul ar Bleunioù.

Kreñv eo chomet koun an emgann e-touez Leoniz, ken ma skrivas Lan Inizan tri c’hard kantved goude an darvoudoù un danevell anezho. Daoust d’ar pezh a greder alies, n’eo ket oberenn Lan Inizan lennegezh hepken. Ur vammenn Istor eo ivez, da geñveriañ gant dielloù all.

Hevlene e lidimp adarre emgann Kergidu, 231 bloaz diwezhatoc’h.

Erbediñ a reomp deoc’h, a-raok dont, lenn :

-Lan INIZAN, Emgann Kergidu (embannadurioù Al Liamm), Levrenn I, Pennadoù 13 (darvoudoù Kastell-Paol) ha 14 (emgann Kergidu) ; Levrenn II, Pennad 17 (goude an emgann, repu e koadoù Kermengi)

-Rafael Urien, "Emgann Kergidu : eus al Lennegezh d’an Istor", Aber 22 (Goañv 2005), p.514-556.

Aozadur an devezh :

-2e30 goude merenn : displegadenn war ar c’henarroud Istor, e tavarn ar "Gwenn ha Du", Kroaz-Hent PLOUGOULOUM

-da c’houde (mard eo brav a-walc’h an amzer) : loc’hañ war-zu Kastell-Paol, distro war-zu Plougouloum, ha war-zu Kergidu da c’houde, gant kirri-tan, gant arsavioù war an hent ha displegadennoù war al lec’hioù

-degouezhet e pont Kergidu : kerzhadeg gant displegadennoù war lec’hioù an emgann, ha goude war-zu Trelaouenan, koadoù Kermengi (Kleder) ha Berven (Gwitevede)

-evit ar re a blij dezho : pred e milin Kergidu, da c’houde.

Ma n’oc’h eus ket a garr-tan, pe na fell ket deoc’h mont betek Kastell-Paol gant hoc’h hini, e c’hallit bepred goulenn diganeomp hag-eñ e vefe tud prest da genweturiñ ganeoc’h. Trugarez neuze da gemenn deomp mard emaoc’h e soñj dont gant pe hep karr-tan

Aozet gant ar Gevredigezh vrezhon ; titouroù : kevredigezhvrezhon [at] yahoo.ie

Voir aussi :

War roudoù emgann Kergidu par Kevredigezh Vrezhon le 05/04/2023
Kergidu 2019 par Kevredigezh Vrezhon le 20/03/2019
War roudoù emgann Kergidu par Kevredigezh Vrezhon le 18/03/2018
Kafedioù Istor 2017-2018 hag obererezhioù all par Kevredigezh Vrezhon le 30/10/2017
War roudoù emgann Kergidu par Kevredigezh Vrezhon le 04/06/2017
Saloñs Awen Breizh Poellgor an Tarv e Kastell-Paol par Académie Bilingue des Arts de Bretagne le 30/09/2016
Treizerien soñjoù : kemer skouer Diwan Kastell-Paol ? par Fanny Chauffin le 18/07/2011
In Kastell-Paol, 300 choristers for the great show of Breton choirs. Video on line par Fédération Kanomp Breizh le 15/12/2010

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Vos 0 commentaires

Commenter :

Put your name here

ABP

Agir

Nous suivre