Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Diskouezadeg : “Pondi, a-zan ar c'hartennoù : ur gêr diskuliet gant he gladroll. ».
Diskouezadeg : “Pondi, a-zan ar c'hartennoù : ur gêr diskuliet gant he gladroll. ». Titl 2 : Servij dielloù ti-kêr Pondi, kevredigezh Mignoned Pondi hag Ofis ar brezhoneg o deus kenlabouret a-benn sevel an diskouezadeg pouezus-mañ. Savet eo bet an diskouezadeg e teir lodenn evit lakaat da grompren ez eo ar
Visant Roue pour Office de la Langue Bretonne le 21/09/07 10:36

Diskouezadeg : “Pondi, a-zan ar c'hartennoù : ur gêr diskuliet gant he gladroll. ».

Titl 2 : Servij dielloù ti-kêr Pondi, kevredigezh Mignoned Pondi hag Ofis ar brezhoneg o deus kenlabouret a-benn sevel an diskouezadeg pouezus-mañ.

Savet eo bet an diskouezadeg e teir lodenn evit lakaat da grompren ez eo ar gladroll ur benveg hag un alc'hwez evit kompren istor ar c'hêrioù. Kontañ a reer da gentañ istor ar gladrolloù er c'hantvedoù tremenet, adalek mare ar Romaned betek an deiz a hiziv, hep disoñjal mare Napoleon ar 1añ (dindan e renadur e oa deuet da vezañ ret sevel gladrolloù e pep kumun) ha kinnig a reer war un dro binvioù muzuliañ ha skeudennoù.

Da c'houde eo studiet pizh an emdroadurioù e kêr Pondi abaoe 300 vloaz. Gant steuñvoù ar gladroll, miret aketus e dielloù an ti-kêr, ez eo aes heuliañ penaos e oa bet ar gumun oc'h emdreiñ, an treuzfurmadurioù a oa bet divizet ha kaset da benn gant an daou impalaer (Napoleon ar 1añ ha Napoleon an 3e) ha goude-se gant ar c'huzulioù-kêr o deus meret ar gumun betek bremañ.

En trede lodenn e vo kavet titouroù diwar-benn lec'hioù resis a zo e Pondi : pontoù, ostalerioù, milinoù a zegas da soñj un amzer dremenet echu da vat.

Gant Ofis ar Brezhoneg ( (voir le site) bet labouret da gentañ war mammskrid ar gladroll a-raok kregiñ da vat gant un hir a studiadenn diwar-benn holl anvioù-lec'h ar gumun (3000 anv park hag ouzhpenn 250 anv-lec'h). Diwar c'houlenn ti-kêr Pondi eo bet kaset da benn ar studiadenn-mañ dre m'eo bet sinet ar garta « Ya d'ar brezhoneg » gant ar gumun. Gant servij ar Glad Yezhel Ofis en ar Brezhoneg ez eus bet savet ivez ur banell diwar-benn anvioù-lec'h Pondi hag ar mod d'o studiañ. (s.o. ar pezh stag)

Pedet oc'h eta da zont da weladenniñ an diskouezadeg a vo e Kastell ar Roc'haned adalek ar 5 a viz Here betek ar 15 a viz Du, a Verc'her da Wener etre 10 eur ha kreisteiz hag etre 2 eur ha 6 eur abardaez. Digoust eo mont e-barzh.

Evit gouzout hiroc'h : Dielloù-kêr Pondi Ti-kêr 8 straed François Mitterand 56300 PONDI archives [at] ville-pontivy.fr

Document PDF 8011_1.pdf . Source :
Voir aussi :
Cet article a fait l'objet de 1711 lectures.
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 6 multiplié par 8) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons