Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Berzh bras a ra koulzad brudañ an Ofis.
Ouzhpenn 150 kumun a gemer perzh er 7vet koulzad aozet gant Ofis ar Brezhoneg, gant skoazell DAO (Deskiñ d'An Oadourien), evit brudañ ar c'hentelioù brezhoneg evit an dud deuet. Lañset e oa bet ar c'houlzad d'ar 5 a viz Gwengolo e Kawan, en Aodoù-an-Arvor. Dirak meur a gevredigezh a ro kentelioù-noz
Visant Roue pour Office de la Langue Bretonne le 13/09/07 14:38

Ouzhpenn 150 kumun a gemer perzh er 7vet koulzad aozet gant Ofis ar Brezhoneg, gant skoazell DAO (Deskiñ d'An Oadourien), evit brudañ ar c'hentelioù brezhoneg evit an dud deuet.

Lañset e oa bet ar c'houlzad d'ar 5 a viz Gwengolo e Kawan, en Aodoù-an-Arvor. Dirak meur a gevredigezh a ro kentelioù-noz hag a aoz stajoù (Kreizenn Abherve (bro Sant-Brieg), Al Levrig (bro Lannuon), Kreizenn Pempoull (bro Oueloù), KLT (bro Montroulez), Skol An Emsav (bro Roazhon ha Dinan) ha dilennidi ar vro (an It. Bechec, kuzulierez-departamant kanton ar Roc'h-Derrien, an Ao. Garrec, kuzulier-departamant kanton Bear hag an Ao. Auffert, maer Kawan), eo bet kinniget d'ar gazetennerien dafar ar vrudadeg a vo skignet e 5 departamant Breizh. Da lavaret eo : ouzhpenn 7000 skritell adalek ar vent A3 betek ar vent arsavioù-bus, 8000 plegfollenn a ginnig ar frammoù stummañ pennañ, miliadoù a flyer-où, deiziadurioù, ha kartennoù ezel a vo skignet e Breizh met ivez e-maez ar vro (e bro Bariz, e Teurgn…)

Ur perzh bras a zo bet kemeret er c'houlzad gant ar strollegezhioù lec'hel er bloaz-mañ. Ouzhpenn 150 kumun a skigno skritelloù pe blegfollennoù ha moullet e vo pennadoù e meur a gelaouenn ti-kêr. Daougementet eo bet niver ar strollegezhioù lec'hel a gemer perzh er c'houlzad e-keñver warlene (ma oa bet gwelet c'hoazh ur c'hresk 100% en niver a gumunioù). Aze e weler mat levezon ar c'houlzad « Ya d'ar brezhoneg » : emskiantet eo an dilennidi eus ar pezh a c'hellont ober evit diorren ar brezhoneg.

4 C'huzul-departamant diwar 5 a roio o skoazell ivez dre brestañ o rouedad arsavioù-bus pe dre embann ur pennad en ho kazetenn. Gant Kuzul-rannvro Breizh ez eus bet graet bruderezh war e gelaouenn eletectronek.

Mod all, sifroù ar bloavezh-skol 2006-2007 evit ar c'helenn d'an dud deuet a zo bet roet da c'houzout d'ar gazetennerien. En enklask a zo bet kaset da benn gant Arsellva an Ofis e kaver 149 framm a ginnig kentelioù-noz ha 17 a ginnig stajoù berr pe hir (hag 11 anezho war gont ar stummadur dibaouez).

Adkavout a reer an hevelep niver a zeskerien hag er bloaz a-raok, en-dro da 3000 deskard. Ne weler ket a ziskrog el liveoù uhelañ, ar pezh a dalvez e teu an deskerien a-benn da beurzeskiñ brezhoneg ha da vezañ brezhonegerien ampart goude o c'hursus deskiñ. Berzh a ra ar stajoù ivez gant ouzhpenn 1000 den enskrivet warlene pe e vefe er stajoù berr (un dibenn-sizhun, ur sizhunvezh) pe er stajoù hir (6 miz pe ouzhpenn).

War hent ar micherelaat ez a muioc'h-mui an aozadurioù kelenn. Renablet ez eus bet 41 framm deuet da vezañ ezel eus DAO. DAO a ginnig stummadurioù d'ar gelennerien ha dafar pedagogel. Dazont ar frammoù-se eo ar micherelaat, ma fell dezho gwellaat live ar c'helenn hag aozioù labour ar gelennerien

Evit gouzout hiroc'h : www.ofis-bzh.org ha www.dao-bzh.org

Voir aussi :
Cet article a fait l'objet de 2222 lectures.
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 0 multiplié par 5) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons