Put your name here

L'ansegnriy dou berton e dou galo dàn 14 coleîj e lisê de Bertègn toli Faù pu se lèrae anhèrssae dou bou-la admézae !

Toli l'ansegnriy dou berton e dou galo dàn 14 colêj e lisê de Bertègn ! Nan vennla unn epoureriy de choué ! Pari qé le mondd von béin s'avizae cóm ela conbéin qé le rectora de Renn me noz lâng pu naïss qé loû chminêy.

Qhecaùzz q'ela ét bani anaet don tàn qé n-i a zeü la daraenn assànbiéy dou CALR le qheinzz dou méi de jànviae ? Le CALR a-ti li sitrap de rpoqae le rectora ?

E qhi qi son q'i boueinn lèz consortêy rejiona don yaeü qi dizitt a l'antama de loû passêy q'ela lèz mnae for LEZ lâng de Bertègn ? ll araen pamein o qai s'erchignae a-veü lèz dirîy a Jean-Baptiste Carpentier, le recteu de l'academiy de Renn 'pa ?

O unn desidd de meim, n-i a tou-com o qai yett flé béin flé 'pa ! Permiae can qé c'ét qé n'an s'avizz qé l'Educasion Nasiona aù jou d'anaet ne me pouein né pour le galo né pour le berton. E pamein depéi unn berouéy d'añnêy, n-i a le feu dàn la dmàndd andrae le galo e pouein de repoñriy assae dàn lèz ecôll. Dedd 'la béin seurr, lèz poussoû son tertout a alae èz coûrr mnae o lèz consortrîy. Yan maen dam faù batt o s'qé n-i a de batoû e lèz consortrîy yêll n'on pouein de batoû assae né d'elij pour pouérr repondd de faïsson.

Faù pu se lèrae anhèrssae dou bou-la admézae ! Lèz mênn com la nouvièll-la corr son dèz digarê pour drayae noz lâng, nott couteürr e nott filomiy bertônn e dèz mênn de meim, 'pa, je n'an vlon pu !

Le perzidan MICKAEL GENEVEE