Sant-Ervlan, 100vet kumun o sinañ « Ya d'ar brezhoneg »

- Communiqué de presse -

Dre sinañ ar garta Ya d'ar Brezhoneg eo deuet kumun Sant-Ervlan (44) da vezañ ar 100vet kumun o tegemer karta Ofis ar brezhoneg. Un toullad brav a dud a oa en em gavet e ti-kêr Sant-Ervlan eta d'ar Gwener 15 a viz Mae 2009 evit kemer perzh e lid sinañ ar garta Ya d'ar brezhoneg dirak an ao. Charles Gautier, senedour-maer Sant-Ervlan, an it. Lena Louarn, prezidantez an Ofis, an ao. Michel François, kuzulier-kêr,

Visant Roue Par Office de la Langue Bretonne 44 le 20/05/09 2:07

Dre sinañ ar garta Ya d'ar Brezhoneg eo deuet kumun Sant-Ervlan (44) da vezañ ar 100vet kumun o tegemer karta Ofis ar brezhoneg.

Un toullad brav a dud a oa en em gavet e ti-kêr Sant-Ervlan eta d'ar Gwener 15 a viz Mae 2009 evit kemer perzh e lid sinañ ar garta Ya d'ar brezhoneg dirak an ao. Charles Gautier, senedour-maer Sant-Ervlan, an it. Lena Louarn, prezidantez an Ofis, an ao. Michel François, kuzulier-kêr, tud e karg skolioù divyezhek Naoned ha Sant-Ervlan hag ar frammoù kelenn d'an oadourien ha tud kar ar brezhoneg.

En e brezegenn e oa bet displeget sklaer gant an ao. Charles Gautier pegen pouezus e oa arouez ar brezhoneg evit an holl e Sant-Ervlan. An dibab oberoù ivez a ziskouez pegen digor eo spered tud ar C'Huzul-kêr o deus bet c'hoant da reiñ an tu da annezidi Sant-Ervlan da dostaat ouzh ar brezhoneg en o buhez pemdeziek.

Dibabet ez eus bet gant ar c'huzul-kêr kas da benn dindan 3 bloaz 7 ober evel : staliañ panelloù divyezhek evit mont e-barzh ha mont e-maez ar gumun, kemer perzh e brudadeg ar c'helenn brezhoneg d'an oadourien, sevel un enklask e-touez tud bugale ar gumun gant ar soñj digeriñ un hentenn divyezhek, kreskiñ lodenn al levrioù brezhonek el levraoueg-kêr, kinnig abadennoù dudi e brezhoneg...

Sinadur ar garta gant Sant Ervlan, un dra naturel eme Charles Gautier, a oa gortozet gant ar vrezhonegerien niverus zo o chom e Meurgêr Naoned, ha dreist-holl er gumun-mañ m'eo staliet kentañ skolaj Diwan al Liger-Atlantel abaoe miz Gwengolo 2008, koulz hag ar Greizenn Dafar Sevenadurel Keltiek. Kalz kentelioù brezhoneg evit an oadourien a vez heuliet e Sant-Ervlan ivez.

Sant-Ervlan eo an eil kumun el Liger-Atlantel o sinañ ar garta Ya d'ar Brezhoneg. Ur milion a Vretoned a vev en ur gumun bet sinet Ya d'ar Brezhoneg ganti hiviziken.

Voir aussi :

Publication du roman "Le Naufragé" de Yann Bijer par KUZUL AR BREZHONEG. le 21/12/2023
Nantes s'engage vers le niveau 2 de la charte Ya d'ar brezhoneg par Philippe Argouarch le 12/12/2023
Breizh : Ur vrav a emgav diwar-benn Yann-Vari Perrot par J-L Le Floc\'h le 12/12/2023
20 vloaz Priz ar yaouankiz : un daol grenn interessant hag a zres hentoù nevez par Kerne Multimedia le 29/10/2023
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
« Ayons l’audace d’établir une Autonomie » à la savoyarde « dans la République » par RPS le 03/10/2023
20 vloaz Priz ar Yaouankiz : un avañtur gant 182 titl abaoe 2004 ! par Kerne Multimedia le 16/09/2023
FIL 2024 : yaouankizoù broioù keltiek par Kerne Multimedia le 19/08/2023
Yaouankiz Kembre : krouerien e yezh ar vro par Kerne Multimedia le 13/08/2023
Le chemin des morts. Nouvelles conjectures sur les croyances et systèmes de représentations au néolithique par GENDRY Mickael le 30/07/2023

Gwelout pennadoù all Office de la Langue Bretonne 44

Vos 0 commentaires :

Commenter :

Put your name here

ABP

Embann

Nous suivre