ABP

- Revue de Magazine -

War an Ton Bras : un heuliad nevez war Bali Breizh ha brezhoweb

Lully hag ar pachpi, Wagner hag ar Barzhaz Breizh, Debussy hag ar mor na ped sonaozour klasek o deus pichet o divskouarn war-zu Breizh, he hengoun, he mojennoù ; Diwar-se

Par Bernez Rouz pour France 3 Bretagne le 11/01/13 15:13

Lully hag ar pachpi, Wagner hag ar Barzhaz Breizh, Debussy hag ar mor na ped sonaozour klasek o deus pichet o divskouarn war-zu Breizh, he hengoun, he mojennoù ; Diwar-se zo bet savet pezhioù sonerezh eus ar c'hentañ troc'h.

Claude Nadeau, klavisinerezh brudet, luskerez Symphonie de Breizh a lak ac'hanomp da zizoloiñ penaos he deus pinvidikaet hor bro, bed ar sonerezh klasek. Gouzout a oar meskañ siriusted, fent, startijenn ha sachañ evezh an nen ouzh un danvez n'eus ket bet pledet kalz diwarni evit c'hoazh.

Boulc'het he doa al labour bloaz so, gant Klasik Breizh, un heuliad bet sevenet gant Youenn Chap ha skignet war France 3. Ar pal a oa brudañ mistri hor sonerezh klasek :

Guy Ropartz, Pierick Houdy, Jean Cras, hag all, un heuliad en doa graet berzh dre ma oa un dizoloadenn evit al lodenn vrasañ ac'hanomp.

An taol-mañ eo 26 rann a vo gwelet betek an hañv, rannoù berr, nerzhus, sevenet gant Lionel Buannic ha skeudennaouet gant Herve Huneau.

Bourrañ a reer ken kenañ gant an doare m'eo bet kontet an istor gant Claude Nadeau, hag ar santimant hon eus da vezañ desket un tamm brav ouzhpenn diwar sevenadur hor bro.

Gouzout a oar ar gontourez lakaat pep prantad sonerezh en hec'h amzer : desket vez ganti perak zo bet meur a sonaozour zo deut da Wened pa oa ar parlamant harluet goude emsavadeg ar bonedoù ruz.

Deskiñ a reer penaos he deus graet e reuz giz ar « bretonneries » e bed ar sonerezh ivez, pa zo bet c'hoariet e Pariz ur mell pezh « Le pardon de Ploermel » pa n'eus bet morse pardon ebet er gêr-se.

War an ton bras, limigoù da lipañ betek-penn beb sul da 11 ur war France 3 Bretagne adalek an 13 a viz Genver ha war internet war Brezhoweb adalek ar 14 a viz Genver.

Voir aussi sur le même sujet : Nadeau,Buannic,brezhoweb,france3bretagne,bali brei

Brezhoweb, une télévision bretonne en breton sur internet : ABP interviewe Lionel Buannic par Philippe Argouarch le 09/12/2022
WebNoz 19 : carte blanche à Claude Nadeau par WebNoz le 17/09/2008
WebNoz 19 : Claude Nadeau e-kreiz ar jeu par WebNoz le 17/09/2008
Claude Nadeau sur BFM-TV par Philippe Argouarch le 23/05/2008
Claude Nadeau zo anvet Arzourez degemeret e Gwened par Claude Nadeau le 01/12/2007
Claude Nadeau nommée artiste en résidence à Vannes par Claude Nadeau le 01/12/2007
Un abadenn gant Claude Nadeau e Kintin d'an 19 a viz Gouere par Claude Nadeau le 10/07/2007
Claude Nadeau en concert à l'orgue de Quintin le 19 juillet par Claude Nadeau le 10/07/2007
Webnoz, talk show de Lionel Buannic à la mode de Bretagne par Ronan Le Flécher le 18/12/2006
Kaozeadenn e brezhoneg gant Lionel Buannic, digwener 9 a viz Mezheven e Kemper par Ti ar Vro Kemper le 02/06/2006

[ Gwelout pennadoù all France 3 Bretagne]

Put your name here

ABP

Agir

Nous suivre