ABP

- Éditorial -

O Breizh ma bro ... e kreiz ar festival ?

Breizh o pediñ Breizh ? Penaos e c'hellfe bezañ ? Ha setu Marjan vrezhonegerez o pourmen da 23e30 e straedoù ar festival evit gouzout penaos o deus graet pennoù bras an aozerien evit sevel an "Egor Breizh"

Par Fanny Chauffin pour ABP le 7/08/10 12:04

Nozvezh gentañ festival an Oriant, leun chouk abadenn Cranberries gant 10 000 a dud, "friko boued mor" (cotriade) gant re a dud (ret e oa d'an dud o doa prenet bilhidi gortoz un eurvezh hanter evit bezañ restaolet).

Pelec'h emañ ar pavilhoñs bras gouestlet da Vreizh e lec'h e oa ar C'Halisia, bro Skos, bro Gembre ... ar bloavezhioù paseet ?

N'emañ ket aze. Bihanoc'h hini C'Halisia ar bloaz-mañ met brav atav, gant danserien e-barzh. Asturia : stand bihan, Australia : ur bern traoù da werzhañ, evelboaz. Met pelec'h o deus lakaet ar vro enoret ar bloaz-mañ ?

Ma ... evel ar bloaz paseet a-benn ar fin. Savet oa bet ur skritell vras skrivet "Kae Breizh" warni, ha garlantezennoù Nedeleg a-us da standoù an artizaned.

Deomp pelloc'h, marteze ... Ket, heñvel-poch ouzh ar bloaz paseet, memes leurenn, memes stal evit ar boued), ha sonerezh war al leurenn ... deus Asturia (la Col.la Propinde) !

Ale, paouez da bismigañ, sell, stand Diwan zo brasoc'h, kamaraded Breizh unvan a zo bev c'hoazh da 23e30 evit gwerzhañ pegsunioù banniel Breizh, ma doue, ma doue, kalz arc'hant zo bet lakaet e bruderezh ar festival, evit degemer ar strollad a zo e porzh An Oriant fennozh, met sur a-walc'h n'eo ket bet dispignet kalz evit enoriñ ar vro deomp-ni ! Buan, d'an ostaleri evit evañ ur banne gwin gwenn Naoned a zo bet tennet deus tavarnioù ofisiel ar festival !

Cet article a fait l'objet de 1449 lectures.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Put your name here

ABP

Agir

Nous suivre