Put your name here

C'hoarzhadegoù zo bet disul e sal vihan Pondi : met pelec'h emañ ar gonterien ?

Poent eo aozañ ur gwir bolitikerezh evit kalonekaat an dud a ra war dro konchennoù Breizh er vro.

Evit ar c'hallaoueg, kudenn ebet ; dek konter, ur yezh yac'h gante, ar c'hoant da c'hoarzhin, hag an arz dre gomz-mañ kalonekaet abaoe bloavezhioù e Redon gant "la bogue d'or", gant konterien brudet evel Albert Poulain, Doue d'e bardono, pe P'tit Louis, pe ur bern tud all c'hoazh.

Evit ar brezhoneg avat, eo a-bouez e vefe e pep skol bugale konterien, konterien o tremen (tud yaouank evel Awen Plougoulm, pe Erwan Hemeury, pe ...), met n'eus ket a-walc'h. Aze n'eo ket desket ar yezh, met adimplijet, en un doare disheñvel bewech, o tennañ gounit eus al lec'h hag eus an dud.

Ar re gozh o deus da zreuskas ur yezh vev ha pinvidik, d'ar re yaouank d'ober gant ar yezh o deus, gant ar c'hoant da strobinellañ daoulagad ha spered an arvesterien. "Ar pobloù hep istorioù a zo kondaonet d'ar marv" a lâre unan bennak...

Trugarez eta d'an eizh bugel eus skol Diwan Kemperle ha d'an daou gonter eus bro Melrand hag eus bro Leon o doa lakaet ar sal da c'hoarzhin, ha da lakaat bugale ha tud kozh da vevañ ur pennadig prizius asambles.

Konterien ha kontadennoù (e urzh ar video)

- Lila, Soig, Nina hag Eloise : ar sorserez vor (bro Skos)

- Youenn ha Tristan : forest an Heddad (Norvejia)

- Gurvan : ar graonenn galvez (Norvejia)

- Ulrik : galetezenn ar Roue (Ijinet gantañ)

- Marc Paugam : ar c'harr nij low cost

- Raymond Le Ruyet : Marijejeb hag an eskob

• Met gant piv 'oa bet lakaet ar maen war al leur ? par Kerne Multimedia le 24/09/2023
• Monterfil : ur staj dispar evit konterien, sonerien, danserien ! par Kerne Multimedia le 28/07/2023
• Konterien e brezhoneg : kan ar bobl gant 7 konter, plijadur ha liesseurted par Kerne Multimedia le 22/04/2023
• Pondi : prest eo rummadoù Kan ar Bobl lec'hel da zegemer an arzourien ! par Kerne Multimedia le 08/01/2023
• Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
• Rouedad konterien e brezhoneg : d'ar 04122022 e Landelo par Kerne Multimedia le 20/11/2022
• Masterklas konterien : d'ar sadorn 22 a viz Here e Pleuigner par Kerne Multimedia le 01/10/2022
• Konterien ba Sant Turn : brav an eostad ! par Kerne Multimédia le 30/01/2022
• Staj konterien ba Pleuigner gant tri c'honter : evit ma vefe rannet marvailhoù gant an holl par Kerne Multimédia le 08/09/2021
• Youn Brenn : un doare da selaou brezhoneg ar vro ha da c'hoarzhin par Kerne Multimédia le 24/07/2021