Put your name here

D'ar 27 a viz Here 2015 e tlee ar Sened studial ur mennad distaol diagent, kinniget gant an ao. Bas (Ar Republikaned) en anv bodad al lezennoù, diwar-benn ar raktres lezenn vonreizh evit aotren gwiriekadur Karta europat ar yezhoù bro pe bihanniver (niv. 662). Degemeret eo bet ar mennad argerzhadur, a dalvez kement ha distaol, gant 180 mouezh a-enep 155.

Ar garta-se sinet gant Frañs e 1998 n'eo ket bet gwirikaet abaoe rak kavet eo bet e oa a-enep ar Vonreizh. Abaoe 16 vloaz e welomp ar gouarnamantoù o vont en eil war-lerc'h egile, met heñvel ha digemm e chom an enebadur ouzh gwiriekadur ar garta.

Keuz hon eus dirak krizadur senedourien zo hag a wel er garta ur gourdrouz da unaniezh Frañs ha d'ar yezh voutin. Evit doare ne dennont ket kentel diouzh o fazioù hag e prederiont c'hoazh evel ma raent da amzer an trevadennoù. Eus ur c'hantved all eo ar jakobinerezh ha poent bras eo mont en tu-all dreist-holl pa embanner gant lorc'h bezañ bro gwirioù mab-den.

Gant an 39 mellad eus ar garta sinet gant Frañs e vefe bet an tu da diskouez eo liested ar yezhoù un elfenn diazez eus liested ar sevenadur. Ouzhpenn-se e vefe bet ret d'an dilennidi amjestr da labourat evit hon yezhoù hag hon sevenadurioù, elfennoù anat eus savidigezh ar vro-mañ.

Trawalc'h gant an dismegañs, aet omp ôg gant Frañs-se a nac'h gwirioù diaezez kement den a zo.

Poent eo d'ar Stad sammañ he atebegezh ha lakaat lezennoù war ar stern evit mad hon yezhoù hag hon sevenadurioù, dic'haouiñ fazioù an amzer dremenet.

Ar genbrezidanted,

Frédérique Mouden & Rémi Toulhoat

• Emmanuel Grégoire et l’Abbé Macron  par David Grosclaude le 23/11/2024
• Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• Gouvernement Barnier : des nominations inquiétantes par RPS le 24/09/2024
• Quelle future gouvernance en France ? par Marcel Berrou le 08/07/2024
• Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
• Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
• TER Nouvelle Aquitaine : quelle honte !   par David Grosclaude le 18/04/2024
• Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
• Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024