ABP

- Rapport -

Kafe bloaz nevez : kontadennoù brav ha kanerien en o aes

Disoñjet, an hengoun ? Ket e Skaer, e lec'h e vez aozet ingal, e miz Genver kafe ar bloaz nevez, gant sonennoù, konchennoù, rimadelloù, ha traoù lipous.

Par Fanny Chauffin pour ABP le 10/01/11 22:54

Asambles e oant gant Brigitte, Gi, Jean, Denise, Anne-Marie, Suzanne, Lucien, ... hag un tri-ugent bennak a dud disul evit lidañ ar bloaz nevez. Sonennoù ar vro ("son ar chistr" a veze kanet ingal gant Youenn Gwernig, paotr Skaer), kontet ez eus bet ur gontadenn e galleg o tont deus Bro Skos gant Fiona Mac Leod, deuet a-ratozh da Skaer gant "scones" fardet ganti da vintin evit lakaat an dud da dañva.

Gant mestr an ti, an aotrou Bridel e oa bet fardet meur a c'haletezenn gant amann mat, ha dienn "pâtissière" ebet. Saourus.

Kontadennoù ha kanaouennoù tro dro d'ar boued, rimadelloù dastumet b'ar vro, istorioù tavarnourien, an amann lipet gant ar c'hazh, ar bourc'h-gavr o kousket e-barzh ur gwele ...

Ul labour brav a zo bet kaset da benn gant Gi hag e skipailh. Gant ma vo muioc'h a dud yaouank benn bloaz, hag atav an hevelep startijenn !

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all gant Fanny Chauffin]

Put your name here

ABP

Agir

Nous suivre