Put your name here

25vet pennad tennet eus "Diwan, 40 vloaz dija !". "Kondaonet eo ar skolioù da glask arc'hant evit treuzvevañ. Setu neuze penaos e oa bet graet un deiziataer Diwan evit an holl a skoazell ar skolioù dre soubidigezh e brezhoneg.

Evit ar re a blij dezho skoazellañ Diwan ha komz brezhoneg e pep lec’h e Breizh e vez aozet darvoudoù a-hed ar bloaz, ha kement-se se dibaoe ganedigezh Diwan evit lod anezho. Nerzh krouiñ traoù nevez er vro, festoù noz treuzwisket evel e Banaleg (fest-noz pilhoù e miz Meurzh), ar saloñs Playmobil nevez ‘zo e Montroulez, Tro Menez Are …

Etre miz Genver ha miz Even

Kregiñ a ra gant festival Taol Kurun, krouet gant Diwan Kemperle hag adkemeret gant Ti ar vro Bro Kemperle gant abadennoù a bep seurt aozet gant Diwan (kenstrivadeg dibluskañ patatez, kafe pemp eur, kleub lenn, Gouel ar vugale gant Morwenn le Normand,... e 2017), Deizioù an Oriant (gant ar brezidantez bet prezidantez Diwan an Oriant ‘pad pell), fest-noz Banaleg da heul (dastumit ar pilhoù a zo er gêr ha kit da c'hoarzhin !), e miz Mae meur a dra : Tro Menez Are, gant 7 000 baleer e-kreiz Menezioù Are. Krouet e oa bet an dro vale evit arc’hantañ ar skol, ha dreist-holl ar post ATSEM. Ar Redadeg a vez aozet ur bloaz diwar zaou, e pep lec’h e Breizh, ar skolioù Diwan a vez e penn an aozadur e meur a vro. Deiz-ha-bloaz Diwan a vez aozet bep dek vloaz, hag un abadenn veur a vo evit an 40 vloaz, kredapl e miz Mae 2017.

Miz Gouere-Miz Kerzu

E-pad an hañv e vez tud a youl vat Diwan o labourat e Karaez evit an Erer kozh, e Kraozon evit festival Penn ar Bed, en Oriant, e gouelioù kost’ an aod evit sikour o skolioù, e ti-krampouezh Diwan b'an Oriant abaoe daou vloavezh, a-drugarez da Lisardo, rener ar festival, c'hoant gantañ sikour ar skolioù. Leun-chouk eo an agenda : gouel al levrioù gant brezhonegerien, bihan ha bras, foar al laou e Montroulez...

Milionoù a grampouezh a zo bet graet evit Diwan hag a lak ar gevredigezh da vout yac’h, evel e bro Euskadi gant an taloa, krampouezh graet gant bleud maiz. Gouzout arc’hantañ ar skolioù en doa lakaet an dud en diavaez da welet e oa kad Diwan da zastum arc’hant, evel da geñver an tombola a zastumas 15 270 euro e 2013, daoust ma vez gwelet a-wechoù gant tud zo evel un « tailh ha n’eo ket tapet diouzhtu ». Gouelioù 'zo a zastum kazi 20 000 euro, met evit se, ret eo bout meur a skol, 50 den er skipailh, ha miliadoù a eurvezhioù labour a youl-vat gant tud o deus kirriegezhioù tud a vicher !

• Les maisons géorgiennes : 250 ans d'histoire dublinoise ! par Kerne Multimedia le 19/09/2023
• Jean-François Bernardini : ur stourmer evit ar yezhoù gwasket par Kerne Multimedia le 23/08/2023
• Etre ar vezh hag al lorc'h : Becassine par Kerne Multimedia le 20/08/2023
• Kollog Breizh keltiek : Rozenn e kreiz ar stourm par Kerne Multimedia le 05/08/2023
• Keav : 400 den e korf div sizhun ! par Kerne Multimedia le 29/07/2023
• Plas an niverel e korseg e Korsika : eilvet prezegenn GBB par Kerne Multimedia le 06/07/2023
• Prezegennoù GBB : teir eurvezh da brederiañ a-ziwar dazont ar brezhoneg er bed niverel par Kerne Multimedia le 02/07/2023
• Tremen an DNB e brezhoneg : perak ne c'hellfent ket re Ziwan ober evel re Seaska ? par Kerne Multimedia le 25/06/2023
• Manifestadeg e Kemperle : kenderc'hel a ra ar stourm par Kerne Multimedia le 03/05/2023
• Emgav fenoz da 7e dirak pep Prefeti Breizh ha Bro C'hall par Kerne Multimedia le 30/03/2023