ABP

- Agenda -

Anvioù an dud Erminiget e 2022 a zo bet embannet gant Skol Uhel ar Vro

Lid an Erminiged a vo savet e Josilin (56) e miz gwengolo 2022. Embannet eo bet anv an degemeridi.

Par J-L Le Floc\'h pour ABP le 5/08/22 13:03

Evel bep bloaz e dibenn an hañv e vez roet Kolier an Erminig, skedus anezhañ, gant Skol Uhel ar Vro da Vreizhiz (pevar den, paotr pe blac’h).

Urzh an Erminig hirio ha dre an istor

Emañ Urzh an Erminig un urzh a enor ha keodedel, savet e 1972, hag a ro enor da bennoù braz kemeret perzh gante, pe e sked Breizh, pe e stourm evit mirout bev he glad hag he sevenadur, he yezhoù en o souezh.

Dont a ra e anv eus un urzh a varc’hegiezh bet savet gant an Dug Yann IV Moñforzh e 1381. D’ar mare-se e veze roet eñ da dud a bep seurt, ne vern e vefent paotr pe blac’h, ne vern e teufent diouzh ar bobl pe diouzh an noblañs.

Emañ ar bloaz-mañ hanterkantvet deiz-ha-bloaz adsevel ar merk a enor-mañ.

Pevar degemeriad e 2022

Ar pevar degemeriad eürus eus ar C’holier er bloaz-mañ a vo :

. Anne QUEMERE, plac’h a vor ha sportourez

. Michel CHAUVIN, stourmer ha savour-arvest.

. Yves LEBAHY, douaroniour ha difenner an aod breizhat

. Olier AR MORGN, yezhour ha bet penn-rener Ofis ar Brezhoneg , ar frammadur ofisiel a zo e bal lakaat war well ha difenn hon yezh.

E Kêr Josilin e vo al lidañ e 2022

Bez e vo al lid e Kêr Josilin (Kreizenn sevenadurel ar Skoed / Centre culturel de l’Ecusson), d’ar Sadorn 15vet a viz Gwengolo, da 2eur hanter d’abardaez.

Mont-e-barzh dieub ha digoust gant ma vo lakaet anv an-unan war ar roll en a-raok.

Skrivet eo ar pennad-mañ diwar hini e galleg ( «Les noms des Herminés 2022 annoncés aujourd'hui par l'Institut culturel de Bretagne» ), embannet gant an ABP

Pennad gant Philippe Argouarch (Erminig, 2015). Brezhoneg gant J-L Le Floc’h

. Source :ICB

Voir aussi sur le même sujet : Collier, Hermine, Josselin

Michael D Higgins, président de la République d'Irlande, reçoit le Collier de l'Hermine à Dublin par Philippe Argouarch le 13/11/2024
Émouvante remise des Colliers de l'Hermine à Argentré-du-Plessis par Philippe Argouarch le 06/10/2024
L'historien Joël Cornette récompensé par le Collier de l'Hermine par Philippe Argouarch le 29/10/2023
Décès de Jean-Paul Corbineau, membre du groupe Tri Yann et titulaire du Collier de l’Hermine par Institut Culturel le 20/12/2022
Olier ar Mogn reçoit le Collier de l'Hermine : Des droits civiques pour les brittophones par Philippe Argouarch le 19/09/2022
Michel Chauvin reçoit le Collier de l'Hermine : Il nous faut un Diwan pour l'Histoire par Philippe Argouarch le 18/09/2022
Le géographe Yves Lebahy reçoit le Collier de l'Hermine : La Bretagne me fait mal par Philippe Argouarch le 18/09/2022
Yvette Peaudecerf reçoit le Collier de l’Hermine, mais aucun élu de Loire-Atlantique pour la féliciter ! par Didier Lefebvre le 05/10/2021
Denez Prigent reçoit le Collier de l’Hermine par Philippe Argouarch le 26/09/2021
Danièle Novello-Floc’hlay reçoit le Collier de l’Hermine par Philippe Argouarch le 25/09/2021

"Brav eo skrivañ, diaesoc'h eo lenn" ! "An daoulagad eo a zo ar gwellañ benveg-poltriji, rak dre ur sell eo e c'heller diskoachañ an imachoù tro-war-dro"! Paotr bet klevet gantañ ar yezh e-pad e vugaleaj. Bet o labourat war zachennad stlennegel. Skrivet gantañ pennadoù e galleg hag e brezhoneg. Bremañ o vevañ e bro-gKerne.

[ Gwelout pennadoù all gant J-L Le Floc\'h]

Put your name here

Urzh an Erminig hirio ha dre an istor

Pevar degemeriad e 2022

E Kêr Josilin e vo al lidañ e 2022

ABP

Agir

Nous suivre