ABP

- Communiqué de presse -

1318 Haiku resevet : Kenstrivadeg Taol Kurun a ra berzh

Tem 'trezek ar mor oa hini dibabet evit ar genstrivadeg niv. 21. Kroget gant Hopala, aozet war lerc'h gant ar festival Taol Kurun, ha bremañ gant ar gevredigezh féa (priz ar vugale ha priz ar yaouankiz, filmoù), ar c'honkour a ra berzh er bed a-bezh

Par Fanny Chauffin pour Kerne Multimédia le 2/02/21 22:34

26 stal haiku a zo bet graet er skolioù gant seizh e brezhoneg (Banaleg, Kemperle, Tremeven) hag en galleg (lise, skolaj, skolioù), a-drugarez da Ti ar Vro bro Kemperle ha Kuzul Rannvro Breizh. 974 barzhoneg e galleg, 291 e brezhoneg, ha 38 e gallaoueg abalamour d'an opsion a zo bet nullet evit ar bak. Nec'hus ken ha ken eo. Ha c'hoarvezout a raio evit ar brezhoneg a-benn nebeut ?

Trec'h e oa bet e brezhoneg skolidi Kemperle, Banaleg ha Tremeven evit ar vugale :

Ar mintinvezh du

kregin er mor teñval

ar mor yen ha trist

Soazig, Skol Diwan Kemperle

Ma zreid er mor

evit ar wech diwezhañ -

adkroget ar skol

Donovan, klas divyezhek Tremeven

Dirak ar Mor du

n'ouzon ket petra ober

bugel ebet o c'hoari

Lou, skol Diwan Banaleg

Evit ar grennarded, feal eo skolaj Henri Wallon ha Skolaj Plijidi, gant Myriam Guillevic ha Gwenola Coic, deuet da vout ampart e arzh an haiku :

1- Divroad kollet

o vont gant red an dour sklas

Nedeleg laouen

Apolline, 5vet gwenn, Plijidi

2- Ar mor sklaer ha glas

ar vaout o heuliañ he hent

treset gant plastik

Alwena, 6vet gwenn, Plijidi

3- Nijadenn ar ouelan

sonerezh dous an avel

a-us an traezh flour

Tidiane, 5vet Henri Wallon, Lann er stêr

Hag evit echuiñ evit ar brezhoneg, trec'h oa bet daou zen nevez, gourc'hemennoù dezhe, ha Loig Kampion, bet trec'h dija !

Gourc'hemennoù da Mona Mazet Baudé, tapet ar priz kentañ ganti !

1- Pa freg ar wagenn

bili an aod a ruilh-diruilh

'vel perlez en noz sioul

Mona Maze-Baudet

2- Mor kalm-chok

war divaskell ar vorvran

dour ha gouloù

André Bonnard, Merlevenez

3- Lanv er porzh kozh

rouz noz en dremmwel a lufr

ba ma gwerenn bier

Loig Kampion, Naoned

Roet e oa bet ar prizioù e teatr Kerbertrand Kemperle, gant 50 skolajiad ha lisead, hag a-raok e oa bet aozet un eskemm etre ar barzh Yvon le Men, Goncourt barzhoniezh 2019, ha lennadennoù graet gant ar re yaouank. Plijus ken ha ken e oa, hag un doare evit nann-vrezhonegerien da selaou teir yezh Breizh !

Hag ar bloaz da zont, emit-hu ? Kenstrivadeg pe pas ? N'eo ket sur, kar kalz labour a youl vat a zo evit aozañ ur genstrivadeg. Kit war al lec'hienn taolkurun.free.fr evit lenn ar barzhonegoù, haiku ar bloaz-mañ, met ivez ar re zo bet e konkourioù all ! Ha goude 20 vloaz, gant ur skor

Voir aussi sur le même sujet : haiku, taol kurun, barzhoniezh

Kenstrivadeg haiku : daou viz a chom evit kas ho re ! par Kerne Multimedia le 04/01/2023
Haiskrivmeurzh : 342 haiku ! par Kerne Multimédia le 17/04/2022
Haiskrivmeurzh : kregiñ a ra hiziv ! par Kerne Multimédia le 01/03/2021
Gouelioù laouen d'an holl ! par Kerne Multimédia le 25/12/2020
366 haiku, disoc'h ugent vloavezh a varzhoniezh poblek par Kerne Multimédia le 17/12/2020
600 haiku erruet dija : chom a ra 21 devezh par Kerne Multimédia le 09/12/2020
Barzhoniezh ha kleweled : Haruto hag Akina par Kerne Multimédia le 30/04/2020
Un coup de jeune sur Taol Kurun 2018 ! par Kerne Multimédia le 25/12/2017
Kentelig haiku : penaos e sevel ? par Kerne Multimédia le 09/11/2017
16e concours de haiku du festival Taol Kurun : à envoyer avant le 31 décembre par Kerne Multimédia le 04/11/2017

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Put your name here

ABP

Agir

Nous suivre