Mark Kerrain : “Labour vat a vez graet e KEAV!”

-- Langues de Bretagne --

Communiqué de presse de Festival Taol Kurun
Porte-parole: Fanny Chauffin

Publié le 17/07/13 11:21 -- mis à jour le 00/00/00 00:00

TK-: Un doare da adperc'hennañ ar yezh eo staj KEAV Kastellin?

Mark- N 'ouzon ket petra eo «adperc'hennañ ar yezh», met gouzout a ran petra eo deskiñ brezhoneg d’an dud, peogwir e ran abaoe 1969. An holl stajoù zo mat da zeskiñ ar yezh, met n'eus ket gwelloc'h eget ar stajoù a zo e brezhoneg penn-da-benn da zeskiñ kaozeal ... ha n'anavezan nemet hennezh evit ar brezhoneg ... Re all zo?

Ma, evit deskiñ mat ar yezh eo gwelloc’h bezañ en ur mor a vrezhonegerien. Pelec’h e vez kavet an dra-se bremañ? Gwechall e oa an ostalerioù, ar marc’hadoù ha foarioù... pa oan yaouank e oa ar festoù-noz, met bremañ ne vez nemet galleg enne. Evit brezhonegañ n’eus ket gwelloc’h eget ur staj gant brezhoneg hepken, evel KEAV.

TK- Tud o tont eus lec'hioù all, broioù all : piv int ? Perak e vez desket ar brezhoneg ganto ?

Mark – Bep bloaz e weler tud eus Kembre, Rusia, Aostria, Sveden, Izelvroioù, Belgia, Iwerzhon, Bro-Saoz, Stadoù-Unanet. Ur wech e oan bet souezhet o welout ur plac’h oc’h evañ mate, evel an dud e kreisteiz Brazil: ur Gemperadez e oa, deuet eus Arc’hantina. Darn eus an estrenien zo o chom e Breizh hag o deus bugale e skolioù Diwan, darn all zo o chom pell diouzh Breizh.

TK : Kelenner e KEAV, perak ?

Mark – Evit bezañ el lec’h ma vez labouret evit ar yezh, gant an dud a gas anezhi war-raok. Me gav brav ober skol gant tud zo bet studierien din, ha da dud a raio skol vrezhoneg d'o zro......

TK - Plas al lenn hag al lennerien e bedig ar vrezhonegerien : tud deuet, tud yaouank, ar re vihan. Araokadennoù a zo d'ober ?

Mark - An holl vrezhonegerien a zesk dre al levrioù met ouzhpenn gant levrioù e reont : gant ar gomzerien all eo e teskont dreist-holl, ma komzont brezhoneg ha brezhoneg hepken. Gant kanaouennoù ivez, ha se ne glever ket a-walc’h ... Al levrioù ivez zo talvoudus-bras d'an deskerien ... peseurt yezh a c'haller deskiñ hep levrioù? hini ebet ...

Er skolioù bihan, e Diwan dreist-holl, e vije mat ober muioc'h gant al levrioù brezhonek ivez. Spontet on bet er sizhun dremenet pa’m eus klevet, e KEAV, tadoù ha mammoù o lavarout o deus peget brezhoneg war ul levr gallek, e 2013, evit ur skol Diwan! E skolioù Diwan zo e vez prenet levrioù gallek e-lec'h levrioù brezhonek! Un dra bennak a-dreuz zo er vro ... Ne soñj ket renerien Diwan el levrioù, anat eo.

Ne gredan ket e c'hallo ar vugale karout al levrioù brezhonek gant doareoù evel-se. Lennerien vihan hiziv koulskoude a raio lennerien vras arc'hoazh ... Ha ma n'eus ket lennerien ken ne vo ket levrioù ken. ■

Voir aussi :
mailbox imprimer
Vos 0 commentaires
ANTI-SPAM : Combien font 7 multiplié par 0 ?
Cet espace est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés.
MERCI DE RESPECTER LA LANGUE DE L'AUTEUR et donc des lecteurs. Les articles écrits en français doivent être commentés en français, les articles écrits en breton doivent être commentés en breton. Cacophonie ? Merci de ne pas mélanger les langues dans le même commentaire, sauf pour la traduction intégrale du commentaire.