ABP

- Chronique -

Marijo Mellouët aet d'an Anaon : bro Kemperle e kañv

Dindan an heol gor e oa bet lidet obidoù plac'h an tan, plac'h al levrioù hag ar stourm, evit ar brezhoneg, evit ar merc'hed, evit demokratelezh an holl bobloù er bed

Par Fanny Chauffin pour Kerne Multimedia le 22/07/22 12:07

Marijo en he stal, ba Kemperle, ar bloaz-mañ :

Réalisation : Frans 3 (626 vues)

Marijo en he stal, ba Kemperle, ar bloaz-mañ :

Réalisation : Frans 3 (628 vues)

Dindan an heol gor e oa bet lidet obidoù plac'h an tan, plac'h al levrioù hag ar stourm, evit ar brezhoneg, evit ar merc'hed, evit demokratelezh an holl bobloù er bed

En ur mizvezh en doa an Ankou graet e labour : daoust d'he stourm, abaoe pell, ha d'an nerzh divent e oa aet kuit Marijo, da 56 vloaz. Bro Kemperle, ha pelloc'h c'hoazh, bed ar brezhoneg, bed ar stourmerien, bed ar merc'hed o stourm evit gwirioù mabden, an holl a oa gant o c'halonoù rannet abaoe ar c'heloù dilun. Penaos enoriñ ur vaouezh ken degemerus, ken digor he spered, gant ur gerig evit pep hini, a-hed ar bloaz e-pad 25 bloavezh en he stal, plasenn st Mikêl, "Penn da benn" ? Goude an oferenn en iliz a oa tal kichen ar stal, gant orgaoù ha bombard, kantikoù e brezhoneg, e oa bet roet plas war lerc'h d'an enor lik ba Lokunole e lec'h e oa o vevañ gant sonerien, barzhed, kanerien, mignone.z.ed.

Marijo, ur vaouezh dreistordinalMari

Kenavo, Marijo, aet kuit re abred, kalz re abred...

Voir aussi :

Istor ar brezhoneg gant Ronan Kalvez par BREZHOWEB le 24/10/2024
Petra nevez e brezhoneg e miz Here ? par BREZHOWEB le 01/10/2024
Enklask war ar c’hleweled e brezhoneg gant André Lavanant par Philippe Argouarch le 16/08/2024
Faot a ra deoc'h skrivañ un abadenn evit Brezhoweb ? par BREZHOWEB le 12/07/2024
Desketa, ur benveg nevez evit deskiñ brezhoneg ! par BREZHOWEB le 04/07/2024
Petra nevez e brezhoneg evit an hañv ? par BREZHOWEB le 03/07/2024
An drouizelezh, ur relijion ? par BREZHOWEB le 23/05/2024
Pezh-c’hoari e brezhoneg : Traez Gwaremm par Marie-Noelle Rinquin le 02/05/2024

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimedia]

Vos 3 commentaires

Éamon Ó Ciosáin Le Samedi 23 juillet 2022 01:01

Ur c'helou mantrus. Sonj em bo ouzh an degemer er stal, ar startijenn gant ar plac'h lemm he spered, atav o kinnig traoù nevez hag o tigerin ar speredoù. Graet he deus ur pezh labour evit al levrioù hag ar brezhoneg. Aet eo kuit re abred, ya sur. Peoc'h d'he spered brokus.

(3)

Milena Krebs Le Samedi 23 juillet 2022 10:19

Plac'h an tan
plac'h entanet
pa vez menezioù Arre dindan an tantad
lazhet an tan ennout ha ni diluget, lazhet, mantret
menez Mikael Brasparzh duet
menez Mikael Kemperle devet gant an heol
douster an dour
ha nerzh an tan
nerzh ar stourm evit merc'hed ar bed
Tan b'ar bed
tan ba kalon pep hini
ur mor a dud dirak an iliz, e sal Lokunole
treuzkaset an tan
ganti ?
treuskaset ar c'hoant da zreuskas ar yezh
an ingalded, ar frankiz ?
ar stourm o tiwan dindan al ludu ?

(3)

iffig Le Dimanche 24 juillet 2022 16:54

bro Gemperle "e kañv" a oa da skrivañ moarvat, ha n'eo ket e"e kuñv".Ur fazi koukouk diwar ar from sur a-walc'h. N'anavezen ket ar vaouez-se. Doue d'he fardono !

(0)

Commenter :

Put your name here

ABP

Agir

Nous suivre