Put your name here

• Politique
• Economie
  • Agrobusiness
  • Start-up
• Environnement
• Mer
• Bio & Santé
• Culture
  • Musique
  • Littérature
  • Langues
• Histoire de Bretagne
• Patrimoine
• Vidéos

Ur vrav a souezhadenn e oa e porzh Konk-Kerne, dimerc’her. N’eo ket ar vigi-dre-lien hengounel a vank aze, mes houmañ zo brasoc’h, bravoc’h. En he benn-adreñv emañ banniel an Izelvroioù, divent, dispak, lusk-dilusk. Dic’hortozet krenn eo houmañ, hag hi deuet deus a-bell…Piv eo ? Tostaomp outi…doustadig…N’eus nemet ral a dud er porzh er mare-mañ, e-kreizig ar sizhunvezh, etre amzer-Fask hag an hañv.

Ur vag hengounel a vez graet goueletenn deusouti

Setu ar vag. Ur oueletenn ( « Schooner» e saozneg) ez eo : dezhi teir wern. Pleget he gouelioù gwenn …Koadoù al leurenn (ha reoù all) koaret brav ha lufrus dindan an heol. Un añv izelvroek, iskis un tammig, zo dezhi: « Oosterschelde » ! An añv-se a dalv un dachennad mor (lâret e vez eus Escaut oriental, e galleg) e su an Izelvroioù. Diaes eo da zistagañ. Goulennet eo bet digant ur martolod d’e zistagañ. Adgoulennet diouzhtu, ken diaes eo… ! Ur skritell (e saozneg) lakaet e-tal dezhi a c’heller lenn evit kaout sifroù resis.

Ur vag hir he istor, kalzig a yezhoù komzet en he bourzh

Un hir a istor zo bet dezhi. Bag-dre-lien koñwerzh da gentañ penn, kemmet meur a wech, deuet da vezañ ul lestr-tan e mare ar glaou, a-raok dont da vezañ ur vag-dre-lien adarre… Un droiadenn e broioù pell (betek bro Zeland-nevez…) graet ganti, evel ar Belem da skwer…Tostaat ouzh skornegi an dachennad Antarktika… Bremañ e vez o verdeiñ ingal en Europa, ha war-zu enezeg Cabo-Verde (cap-Vert, e galleg)…e-kreiz mor Atlantel. Setu perak e vez graet gant meur a yezh en he bourzh: izelvroeg, alamaneg, saozneg, spagnoleg, galleg, diouzh am eus klevet, ha kredapl braz portugeg – hag ar c’hreoleg ouzhpenn? - ha me oar-me… Hag ar brezhoneg? Graet e vo gant hon yezh e-bourzh al lougr Kaourintin, d’an 10vet a viz Even 2019 (dre dTAV Kemper), war-zu an enezeg Glenn (pe Glenan), ken dizale. Un istor all eo.

Aet kuit eo diriaou er mintinvezh : bez e oa an uhelvor. Ha dao d’ar vor adarre! Koulskoude, ar re a fell dezho gwelout ar oueletenn-mañ, ha bigi all ivez, a c'hello en ober bremaik e-kerz sizhunvezh ar pleg-mor ( « Semaine du golfe » ,e galleg), e Gwened (dibenn miz mae 2019).

Evit gouzout pelloc’h

. lec’hienn Oosterschelde (e saozneg):

. ur pennad diwar detox internet, war lec’hienn Oosterschelde:

. wikipedia (galleg), istor ar vag ha traou all:

. lec’hienn Semaine du Golfe (Gwened) >>> follennig les Parades:

. lec’hienn diwar enezeg Cabo Verde (e galleg). Dedenus diwar ar yezhoù enno:

Evit gouzout pelec’h emañ ar vag

. lec’hienn AIS:

. lec’hienn AIS :

V2 pennad adkempennet 24 mae da noz

• Ar Redadeg 2022 : dirak ar mor, e Konk-Kerne par J-L Le Floc\'h le 25/05/2022
• Konk-Kerne : barrad-amzer "Alex" par J-L Le Floc\'h le 03/10/2020
• Salon du Livre Policier de L’Assassin Habite Dans Le 29 à Concarneau par L'Assassin Habite Dans Le 29 le 27/07/2020
• Livre et Mer - festival du livre maritime 2019 (Konk-Kerne / Concarneau) par le 09/11/2019
• Shodo Art : Izumi artiste japonaise, en sud-Cornouaille par Yann Lukaz le 27/09/2019
• Musée de la pêche de Concarneau : innovations, transmissions et non-transmissions par Philippe Argouarch le 30/06/2019
• Escale au 7 rue du port par aux Quat' Sardines le 26/08/2018
• Traversée de la ville close : la redadeg réveille Concarneau par Fanny Chauffin le 06/05/2016

ABP

Agir

Nous suivre

Newsletters

Flux RSS - français

Flux RSS - breton

ABP sur Facebook

ABP sur X

Chaîne Youtube ABP

Le blog du site web