ABP

- Chronique -

Merc'hed Ahez hag Alvan : n'eo ket ganet diwar netra !

Merc'hed ampart war ar c'han, graet ganto da 22 vloaz, meur a gan ar bobl, meur a festoù-noz e pep lec'h er vro, stajoù kan forzh pegement, stummadurioù gant Louise Ebrel, Rozenn Taleg, ha kement-zo tout e Breizh !

Par Fanny Chauffin pour Kerne Multimédia le 9/03/22 10:08

Merc'hed an Eurovision pa oant e skolaj Diwan Kemper :

Réalisation : tvbk -fea (803 vues)

An teir, Eben, Ahes... Ar merc'hed a gan e kan ha diskan abaoe pell. Kanet o doa gant o skolaerien Loig Jade e Ploeur evit Enora, Gwenole Larvol e Douarnenez evit Marine, ha gant skolarien ha kanerien bro Dreger evit Sterenn D. Gant Sterenn G., kejet he doa ouzh Marine hag Enora pa oa e skolaj Diwan Kemper. O kemer perzh e kleub kan ha diskan e-pad pevar bloaz, etre kreisteiz ha div eur, e teue tud evel Louise Ebrel, Gi Penseg, Anne-Marie Colomer... Hag e veze prientet pep bloaz kan ar bobl bro Gerne. Meur a wech int bet trec'h, gant sonennoù bro Gerne.

Hag erruet an teir e lise, setu Sterenn o kanañ gant Marine, o kregiñs tajoù kan ha diskan e Poullaouen, oc'h ober anaoudegezh gant Annie Ebrel, Rozenn Taleg...

Ha kroget an avañtur war leurennoù brasoc'h evel hini Gouel ar Gelted, div wech, asambles gant Jonathan Dour, hag e strollad. Ha dao, da vro Skos evit kanañ asambles gant kanerezed yaouank brudet tramor.

Met n'eo ket tout ! Piv en doa kompozet hag enrollet sonenn ar Redadeg, ar rumba, a lak pep hini da redek gant plijadur ? Ar merc'hed, gant ur ganerez eus Douarnenez bet e Diwan ivez.

Ha setu, daouzeg vloaz goude, ar merc'hed yaouank oc'h enoriñ Louise Ebrel e Kastelnevez ar Faou (sellit ouzh ar video dindan), a yelo da Durin, gant 180 milion a dud o sellout outo, o kas ar brezhoneg war al leurenn 26 vloaz goude Dan ar Braz.

Gwregoulerezed, stourmerezed evit ar brezhoneg hag ar repuidi, anat, ne ra 'met kregiñ evit merc'hed kool, gant ur sevenadur don e bed ar c'han e Breizh hag ar c'hoant da lakaat anezhañ war hentoù nevez.

Gourc'hemennoù d'ar skipailh, ha bec'h d'al labour, Jakobined brein o klemmichat n'o deus ket da lakaat skoilhoù war o hent, ken simpl ha tra.

Pa vez ar spered krouiñ, an intrudu, ar fent, an doujañs ouzh ar re o doa treuskaset teñzor ar yezh hag ar sevenadur Breizh dezho, ne c'hell mann ebet mirout outo da genderc'hel gant o raktresoù ken brav !

Voir aussi :

Les maisons géorgiennes : 250 ans d'histoire dublinoise ! par Kerne Multimedia le 19/09/2023
Jean-François Bernardini : ur stourmer evit ar yezhoù gwasket par Kerne Multimedia le 23/08/2023
Etre ar vezh hag al lorc'h : Becassine par Kerne Multimedia le 20/08/2023
Dibunadeg veur : 44 den a-dreñv giton Breizh 5 departamant ! (Bretagne Réunie à la Grande parade de Lorient) par Kerne Multimedia le 06/08/2023
Kollog Breizh keltiek : Rozenn e kreiz ar stourm par Kerne Multimedia le 05/08/2023
Keav : 400 den e korf div sizhun ! par Kerne Multimedia le 29/07/2023
Plas an niverel e korseg e Korsika : eilvet prezegenn GBB par Kerne Multimedia le 06/07/2023
Rapourien ar mikro digor : un dra nevez e GBB ! par Kerne Multimedia le 02/07/2023

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Vos 2 commentaires

Burban xavier Le Vendredi 11 mars 2022 12:13

Ret eo da diorren hentennoù divyezheg dre-oll ha ive skolioù Diwan e-pep lec'h evit profan danvezioù a gelenn evit hor pugale . setu perak , ni a zle da souten ar re a gra strivoù abaoe degadoù bloa ...
Rein a reomp arc'hant evit kenderc'hel raktresoù nevez evel hini e bro -Dreger e Peroz-Gireg " Ar Genkiz" graet gant Diwan , setu un intrudu dedennus-kenan .Gwelit kelaouennoù e-barzh kazetenn "Ya" niverenn 874 evit skoazellan ar poellgor eno !

(0)

Alter Écho & Ego machin Le Samedi 12 mars 2022 10:42

Nous avons besoin surtout, d'avocats et de juristes! Et d'une chaîne TV "bretonne"!

(0)

Commenter :

Put your name here

ABP

Agir

Nous suivre