ABP

- Agenda -

Kafedi Istor - Gouel Dewi : Istor Kembre

Kafedi Istor – Gouel Dewi : "Istor Kembre" (lusket gant Rafael Urien) D’ar Merc’her 28 a viz C’hwevrer 2024, 6e goude merenn, e tavarn ar Finnegans, 46 straed Aristide Briand, KEMPER

Par Rafael Urien pour Kevredigezh Vrezhon le 23/02/24 2:00

Kafedi Istor – Gouel Dewi : "Istor Kembre" (lusket gant Rafael Urien)

D’ar Merc’her 28 a viz C’hwevrer 2024, 6e goude merenn, e tavarn ar Finnegans, 46 straed Aristide Briand, KEMPER

Lodenn veneziek Kornôg Preden ne oa ken da gentañ pezh a zo deuet da vezañ "Kembre". Tamm-ha-tamm en em gadarnaas evel ur vroad a-ziforc’h diouzh ar Vrezhoned all. Tro-ha-tro unvanet ha disrannet o doe Kembreiz, goude bezañ stourmet a-enep d’an Angled-Saksoned, d’en em zifenn diouzh ar Vikinged ha dreist-holl an Normaned, e penn rouantelezh Bro-Saoz adalek 1066. E 1283 e voent trec’het a-benn ar fin, ha lakaet dindan yev ar galloud saoz. Mirout a rejont un emskiant kreñv eus o c’hembreadelezh, gant ul lennegezh puilh (ar Mabinogion…), hag o sevel ez vareadek, evel da vare Owain Glyn Dŵr ar 15vet kantved. Staget kreñvoc’h c’hoazh ouzh Bro-Saoz e 1536 e kreñvaas mui-mui Kembre he dibarder gant pouez an Ilizioù protestant digemplegour pe, adalek an 19vet kantved, ar Reveulzi c’hreantel. E politikerezh Breizh-Veur e verkas ivez peurvuiañ Kembre un emzalc’h a-ziforc’h, gant pouez ar Strollad Frankizour da gentañ, ar Strollad Labour da c’houde, ar vroadelouriezh kembreat a-benn ar fin, ha pa vefe dindan dremm Strollad broadel Kembre (savet e 1925) pe dindan hini ar "republikaned". En-dro d’ar yezh dreist-holl eo kreizennet ar stourm e Kembre.

Voir aussi :

Ministr kentañ Kembre : penaos ober pa vez kollet ur yezh bep div sizhun ? par Kerne Multimedia le 17/08/2023
Yaouankiz Kembre : krouerien e yezh ar vro par Kerne Multimedia le 13/08/2023
Gouel Dewi 2020 par Kevredigezh Vrezhon le 17/02/2020
Gouel Dewi 2019 : "Istor Kembre hag un tañva eus ar c’hembraeg" par Kevredigezh Vrezhon le 27/02/2019
Met piv oa ar roue Arzhur ? par Kerne Multimédia le 20/08/2017
Kafedi Istor-Istor Kembre gant Rafael Urien, Kemper, 11 Meurz par Kevredigezh Vrezhon le 05/03/2017
Kafedi Istor : Istor diabarzh ar Yezhoù predenek par Kevredigezh Vrezhon le 13/02/2017
Pays de Galles et Bretagne : une co-production théâtrale, Merc'h an Eog par Kerne Multimédia le 19/10/2016

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Vos 0 commentaires

Commenter :

Put your name here

ABP

Agir

Nous suivre