ABP

- Annonce -

Mall achap! ha danevelloù gant Fulup Lannuzel

Emañ eil dastumad danevelloù Fulup Lannuzel o paouez bezañ embannet, dek dezrevell istorel ha fantastek evit kalzik anezho.

Par Tudual Huon pour Éditions Al Liamm le 12/10/23 7:01

Mallozh sant Houarnev

Ur sant brudet eus amzerioù kentañ Breizh Arvorig, Houarnev alias Herve, ar barzh dall, a zo paket evel sant Anton, penitiour e dezerzh Egipt, gant hoal an Droukspered. Dont a ray a-benn memes tra da ziskoulmañ un iskis a laeroñsi.

Troioù-kaer Salaun lesanvet ar foll

A-drugarez d’un diell espar bet diskoachet dre zegouezh en ur ober labourioù en ur maner kozh, e reer anaoudegezh gant avanturioù dianav Salaun ar Foll, hag eñ o hentiñ sañset merc’hed a vuhez fall.

Pardon al Laboused

Kavout a ra ul livour an awen en-dro bennozh d’ur gejadenn dic’hortoz da-geñver pardon brudet Sant-Yann Plougastell e 1890.

Na Doue na Mestr

Emeur da vat e « Brest-ar-gêr-ruz » e deroù an XXvet kantved. Ret eo gouzout e oa Brest rakward al luskadoù micherour. Ur prezegenner anarkour a zeu a-benn da dec’hout diouzh krabanoù gwazed ar Surentez deuet eus Pariz.

Krog ha diskrog

Adkavout a reer amañ tudennoù an danevell gent e-ser ur c’habaduilh etre micherourien ha soudarded ha poliserien, hag a lakaas birvilh bras e kreiz-kêr e miz Gouere 1904.

Mall achap !

Olier Guillermou, deskard munuzer Na Doue na Mestr, micherour anarkour Krog ha Diskrog, deuet da vezañ ur mekanisian brudet, a gav gwelloc’h tec’hout da v-Mec’hiko eget kemer perzh er Brezel-bed kentañ.

Unan hag a oa dir war he zal

Anna, ar benndudenn, a zo ur plac’h a benn, gouest da dalañ ouzh an diaesterioù hag ouzh ar baotred. E 1946, da vare m’edo un darn vat eus Brestiz o vevañ e barakennoù, ez adkav un draezenn brizius e rivinoù ar gêr dismantret.

Amañ emaon

Da vare ar c’hovid, n’eus roud ebet ken eus Emilion, goude ur vezvadeg en e di. Adkavet e vo gant e vignoned e traoñienn ar Penfell, goude un huadeg.

Ar vorwreg

Un istor faltaziet, anneuzhek. Perc’henn un ostaleri e Treganan a zo darbet dezhañ koll e skiant-vat da-heul steuzidigezh ur gelc’hienn berlez, hag a oa stag ouzh kerc’henn delwenn ur vorwreg, e sal an ostaleri.

Aour ar Gelted

Ha tizhout a raio un numismat diskoulmañ un enklask polis a-zivout pezhioù moneiz eus amzer ar Gelted kozh ?

Voir aussi :

Poentoù diflach, levr nevez Emil Granville par Émile Granville le 22/06/2024
20 vloaz Priz ar yaouankiz : un daol grenn interessant hag a zres hentoù nevez par Kerne Multimedia le 29/10/2023
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
Priz ar Vugale : div enrolladenn dija, hag ur c'haier poelladennoù par Kerne Multimedia le 13/10/2023
Pluenn varzhoniel Loig Kampion par Kerne Multimedia le 19/06/2023
21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
Katalog Nedeleg - Catalogue de Noël par Éditions Al Liamm le 09/12/2022
Gwernioù kuzhet, ul levr brav da brofañ ! par Kerne Multimedia le 30/10/2022

Éditions : 120 titres. Bandes dessinées, poésie, théâtre, contes, romans, nouvelles, biographies, essais, dictionnaires, grammaires...

[ Voir tous les articles de Éditions Al Liamm]

Vos 0 commentaires

Commenter :

Put your name here

ABP

Agir

Nous suivre