ABP

- Chronique -

Ur barrad-amzer e Breizh evit kala-Genver 2018

Skubet eo bet Breizh gant ar barrad-amzer Carmen. Setu ur c'haier fotoioù bet tapet e Porzh_Loeiz (disul ha dilun tremenet).

Par Yann Lukaz pour ABP le 2/01/18 14:01

War bellaat diouzh Breizh ez eo bet ar barrad-amzer Carmen/Karmen e añv (un añv roet dezhañ dre dudoù an amzer), deuet amañ tro-dro da chenchamant ar bloaz, rik evit kala-Genver 2018 !

Gwall-amzer e Breizh

Marteze ho peus gwelet imachoù (pe dre ar vediaoù, pe dre wir war an dachenn !), marteze n’ho peus ket. Setu ur c'haier a luc’hskeudennoù bet tapet e Porzh-Loeiz (tost d’an Oriant) e dibenn an abardaez, koulz d’ar 31ñ (ar c’hentañ-ha-tregont) miz Kerzu ha d’ar 1ñ (ar c’hentañ) a viz Genver. Cheñchet e oa bet tu an avel d’un deiz d’egile. Daoust n’e oa ket re yen an amzer, n’e oa ket kalz a dud o sellout ouzh ar mor, war ar vur pe war an draezhenn. E-barzh ar c’hafedi, ne laran ket, avat !

Ur c'haier a votoioù eus ar vro

Marteze e soñjit n’eo ket bet ken kreñv ar barrad-amzer-se. Soñjit en daou dra koulskoude : da gentañ, ar fotoioù-se n’int ket bet tapet e-kreizig-kreiz ar gwall-amzer, e-korf an nozh. Da heul, dav eo d’al luc’hskeudennour bezañ aketus ouzh taolioù an natur er-maez (an draezh, an holen, ar glav, an avel, ) ha na blijfe ket d’ar benveg e mod ebet ! Al luc’hskeudennour war vord ar mor ez eo ret dezhañ mont trankilik evel n’eus forzh piv ha chom a-bell a-walc’h…

Ur bloavezh mat 2018 a zouhetan deoc'h

Evit echuiñ, dont a ra em fenn ur frazenn hengounel hag a veze lâret ouzh an dud war an oad, digant ar vugale, evit antreal er bloaz nevez. Setu houmañ :

« Ur bloavezh mat a zouhetan deoc’h

Yec’hed ha prosperite

Ha kalz traoù all gante !

Hag ar baradoz e fin ho puhez… »

Posubl e vo deoc’h lâret-se e-pad meur a zevezh c’hoaz, ma n’eo ket betek dibenn ar miz !

Voir aussi :

Monument préféré des Français : votez pour La Citadelle de Port-Louis ! par Région Bretagne le 19/07/2023
5ème festival Trouées Poétiques à Port-Louis et Riantec par Spered Gouez / L'esprit sauvage le 13/02/2020
Festival de poésie à Port-Louis 9-12 mars par Spered Gouez / L'esprit sauvage le 18/02/2017
Deuxième édition de Trouées Poétiques à Port-Louis par Spered Gouez / L'esprit sauvage le 07/03/2016
Trouées poétiques, un nouveau festival à Port-Louis par Spered Gouez / L'esprit sauvage le 22/03/2015
Quatrième Rencontre poétique de La Lune bleue à Port-Louis par Spered Gouez / L'esprit sauvage le 14/01/2015
Les prix de l'Association des écrivains bretons 2013 remis à Port-Louis. Reportage par Maryvonne Cadiou le 06/12/2013
Le temps des baraques à Port-Louis par Prey le 31/08/2012

"Brav eo skrivañ, diaesoc'h eo lenn" ! "An daoulagad eo a zo ar gwellañ benveg-poltriji, rak dre ur sell eo e c'heller diskoachañ an imachoù tro-war-dro"! Paotr bet klevet gantañ ar yezh e-pad e vugaleaj. Bet o labourat war zachennad stlennegel. Skrivet gantañ pennadoù e galleg hag e brezhoneg. Bremañ o vevañ e bro-gKerne.

[ Gwelout pennadoù all gant Yann Lukaz]

Vos 0 commentaires

Commenter :

Put your name here

ABP

Agir

Nous suivre