S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Tregont vloaz war-lerc'h strollad Plougin, setu ar strollad nevez ganet, Fubudenn e anv, o c'hoari tammoù eus ar pezh skrivet gant Mikael Madeg ha strollad Bro Leon. Ouzhpennet o deus traoù liammet ouzh buhez annezidi Kerien : anv lec'h ar raktres kreizenn lastez, ti ar re gozh "Bois Joly", hag un nebeud munudoù all.
C'hoariet o deus ar pemp den o tont eus Bro Kemperle (Gwidel, Skaer, An Arzhanaou, Sant Turian), c'hwec'h gwech an istor-se, oc'h echuiñ gant ur sonenn lakaet war un ton kajun "Kreizennoù nukleel ? Hanterkant e Bro-C'hall / Areva, EDF, ni zo war un hent dall ..."
Istor Biel ? U paotr "ganet ur Sadorn da noz goude ar c'hrampouezh", a zo deuet da vezañ ur politikour brudet a-drugarez d'e eontr "Biel Apostolik" ha d'e vamm, hag a laosk ur greizenn nukleel da vezañ savet er vro. Ma ne vefe ket bet Soaz Gozh o stourm a-enep ... e vefe bet savet, un dra sur.
Un istor krouet da vare Plogo, met hiziv an deiz, gant raktresoù GDE e Ploue, kreizennoù lastez bras, pe programm nukleel Bro-C'hall, ez eo an hevelep istor a vez adc'hoariet. N'eo ket dañjerus tamm ebet, emit-hu ?
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP