Put your name here

• Politique
• Economie
  • Agrobusiness
  • Start-up
• Environnement
• Mer
• Bio & Santé
• Culture
  • Musique
  • Littérature
  • Langues
• Histoire de Bretagne
• Patrimoine
• Vidéos

Politikel-kenañ e oa an diviz, gortozet e oa gant an holl. Abaoe hirio (ar merc'her 17vet a viz genver 2018) eo anavezet da vat. Padet en deus ar brezegenn un 20 vunutenn bennak gant Edouard Philippe, kentañ-ministr, Gérard Collomb, ministr aferioù ar vro pe an diabarzh, azezet sioul, en e gostez.

Setu, berr ha berr, an tri dra bouezusañ bet diskleriet:

. Echu eo gant raktres an dreuskasadenn (Bouguenais e su an Naoned / Intron-Varia al lanneier e norzh an Naoned) .

. Adnevesaet e vo an aerborzh a-vremañ (savadurioù an nijva evit ar veajourien, al leurenn-douariñ evit douarañ/dibradañ).

. Dieubet (golloet) e vo ar ZAD (tachennad da zifenn, hervez ar re a zo a-enep) ha diskoulmoù a vo kavet evit ar re n'int ket feulsterien hag a fell dezho kenderc'hel gant labour douar eno.

Aes e vo d'an holl kaout titouroù, ma n'eo ket ar brezegenn en e bezh (war-dro 20 vunutenn) deuet eus genoù Edouard Philippe, e palez an Elysée (Pariz).

An teuliad kaset da benn gant Anne Boquet, Michel Badré, Gérard Feldzer ha kaset d'ar gouarnamant d'an 20vet a viz Kerzu 2017 a vo kavet e penn al liamm amañ :

(voir le site)

hag, evit ar re n'eus ket amzer dezhe, setu chomlec'h ar berr-ha-berr:

(voir le site)

Betek-henn n'eo ket bet ken aes kaout fotoioù e-leiz diwar al lec'h. Setu perak e vez kinniget amañ ur c'haier a luc'hskeudennoù bet tennet e nevez-amzer 2017.

A-walc'h evit kompren an endro: ar savadurioù, ar maezioù,... hep ankounac'hat eur foto eus ar skeudenn vraz war blasenn ar gêriadenn: Intron-Varia Al Lanneier... a vez graet ivez Kernitron-al-lann war ar gartenn vrezhonek embannet meur a vloaz zo, ma m'eus soñj mat.

Da heul ar re-se, div foto eus ar c'helaouiñ dre an tele (pe ar skinwell, pe c'hoaz ar post-braz) hirio.

Talvoudus e vo, kredapl braz, evit lenn ar gazetennoù, selaou ouzh ar radio, sell ouzh an tele, en devezhioù da zont.

........................................................................

Addendum: notennoù a-zivout ar yezh relijiel:

notenn1 : Intron-Varia pe Itron-Varia?

• evit al lodenn vrasañ eus ar geriadurioù (Al Liamm, Favereau, Seité, Merser,...) e vez lâret an daou zoare, d.l.e. Itron pe Intron. Ne vern evito, war e seblant ? Le Gonidec (1847) a lâr: ann Itron Varia. Troude (1876) a lâr: Ann Itroun-Varia.

• ar Minihi Levenez - Leor an overenn, Kantikou Brezoneg a-viskoaz hag a-vremañ (2003) - dindan bluenn Job an Irien a lâr: Itron Varia koulz hag Itron Santez Anna war ar memes patrom.

• gwelet ivez geriadur istorel rouedadel Martial Ménard (2016): (voir le site)

notenn2: Maria pe Mari ?

(an) Itron-Varia a vez kavet e pep lec'h. Kemmadur dre vlotaat da heul Itron pe Gwerc'hez.

Gwerc'hez Vari pe ar Werc'hez Vari a vez kavet e pep lec'h ivez. Da skouer: Ar Werc'hez Vari hor Mamm, ul levr (1937) brav-kenañ e yezh gant an Tad Medard.

• Pourquoi NDDL n'a pas été construit par Philippe Argouarch le 07/11/2018
• NDDL: La sortie idéale pour tous ! par Gilles Denigot le 17/04/2018
• Notre-Dame-Des-Landes : la Coordination Rurale 44 pour un retour à l'état de droit et par Coordination rurale de Loire-Atlantique le 23/03/2018
• NDDL : une saga riche en enseignements par Breizh Europa le 19/01/2018
• Le projet d'aéroport à Notre-Dame-des-Landes est abandonné par Philippe Argouarch le 17/01/2018
• NDDL : échanges avec le Premier ministre par Blog de Marc Le Fur le 17/01/2018
• NDDL : une troisième solution, l'État doit se dessaisir par Philippe Argouarch le 13/01/2018
• Le projet d'aéroport à Notre Dame des Landes serait abandonné par La rédaction le 23/12/2017

ABP

Agir

Nous suivre

Newsletters

Flux RSS - français

Flux RSS - breton

ABP sur Facebook

ABP sur X

Chaîne Youtube ABP

Le blog du site web