ABP

- Chronique -

Evit skoazell Eugene Riguidel, ar stourmer kozh : 300 a dud e Landaul

Setu bodet e Landaul d'ar yaou 15 a viz Ebrel 300 a dud evit souten stourm paotr Riguidel, brudet ha karet e Breizh ha pelloc'h ch'oazh !

Par Fanny Chauffin pour Kerne Multimédia le 15/04/21 19:05

Eugene ba Landaul :

Setu bodet e Landaul d'ar yaou 15 a viz Ebrel 300 a dud evit souten stourm paotr Riguidel, brudet ha karet e Breizh ha pelloc'h c'hoazh !

15 000 euro roet gant Orañj da berc'henn an dachenn bep bloaz evit gallout staliañ bremaik ar wern 35 metrad uhelder war e dachenn, evit kaout ar 5G. E bro Suis eo ar feur kalz izeloc'h evit gwagennoù elektro-magnetek : (0.21 pa vez 10 evit bro C'hall), unan eus ar feur uhelañ er bed... Evel evit feur ur bern traoù all (ammoniak, glifozat, radioaktivelezh an aer hag ar boued, hag all...) eo memes mod, degemer mat e bro Frañs evit ho yec'hed hag ho pugale.

Ha galvet al leon kozh mediaoù tro dro dezhañ : aze e oa Tebeo,Frañs 3, Trigone... Dibabet oa bet gantañ ober un harz-debriñ, kroget dilun paseet, da 80 vloaz...

Kar goût a ra an den pegen pouezus eo brudañ ha broudañ ar stourm. Ne blij ket an harz-debriñ d'an dud e penn ar raktres 5G, ne blij ket an trouz dezho : penaos diskoulm un dra ne c'hell ket maerez ar gumun, hag he doa kinniget daou lec'h all evit ar wern, diskoulm gant Orañj pa teu an urzhioù eus Paris... ?

" E pelec'h emañ an demokratelezh lec'hel ? ", emezi e mikro ar garavanenn dirak an 300 den deuet da skoazell ar stourmer.

Voir aussi :

7vet haiskrivmeurzh : evit lidañ mizvezh ar varzhoniezh hag ar brezhoneg par Tvbro kemperle le 27/02/2022
An druizh a zo aet da Baradoz ar Gelted par Kerne Multimédia le 28/01/2022
Super Jean-Jean : ur sonenn a lâr muioc'h eget ma soñjer par Kerne Multimédia le 22/06/2021
Echu eo an harz debriñ gant Eugene Riguidel par Kerne Multimédia le 21/04/2021
Eugene Riguidel : start e vo bout trec'h gant Orañj ! par Kerne Multimédia le 17/04/2021
Stourm evit frankiz ar c'helaouiñ : 1000 a dud e Kreiz Breizh par Kerne Multimédia le 06/04/2021
Manifestadeg ba Naoned disadorn da 2e par Kerne Multimédia le 10/03/2021
Les ordonnances du docteur Macron par Parlement de Bretagne - Dael Breizh le 25/04/2020

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Vos 1 commentaires

Emilie Le Berre Le Mercredi 21 avril 2021 13:54

Siwazh, ur paz muioc'h trema hon toul bac'har niverel eo ar 5G. Ne well ket an dra-se gant an dud, bepred ho fri splujet e skramm o hezoug, kement too much magic eo.

(0)

Commenter :

Put your name here

ABP

Agir

Nous suivre