S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Diaspora ar Vretoned e Pariz : daoust hag-eñ zo deus an dra-se ?
Skignet e vo ar WebNoz war-eeun deus ar C’hae Sant-Bernez, e Pariz, e-kreiz ar Breizh Touch. Mont a raimp da saludiñ Bretoned Pariz.
Goût ’rit-c’hwi pet brezhoneger zo e Pariz ? Peseurt buhez ’deus ar brezhoneg enno ? ’Blam ’betra ’fell da lod kaozeal brezhoneg e Pariz ?
Penaos ’mañ kont gant ar skol Diwan staliet straed Liancourt ?
Ha bezañ zo deus un «diaspora ar Vretoned» du-hont ?
Sell aze un nebeud goulennoù a vo savet ouzh un dousennad Bretoned gant Lionel Buannic.
Degas ’raimp un tamm deus Breizh ganeomp, pa ’c’h eo Annie Ebrel a ray ar veaj ganimp, ha pa vo skipailh Leurenn Breizh o kinnig o rummad filmoù-berr nevez-flamm. Iwan B, ar soner rap yaouank, a adkavo ’c'hanomp war blas.
Dao de’I evit eil koulzad WebNoz !
Evel bewech e c’hallo ar surferien sevel o goulennoù diouzhtu, a-raok an abadenn memes, war hol lec’hienn www.brezhoweb.com, ha kas o goulennoù war-eeun d’an dud pedet e-kerzh an abadenn.
KASIT HO KOULENNOÙ DEOMP DIOUZHTU WAR FOROM BREZHOWEB.COM !
War 3 lec’hienn e vo skignet an abadenn, da nebeutañ : brezhoweb.com, surlaplace.tv, armortv.fr
O kemer perzh e WebNoz Pariz e vo ivez :
Annie Ebrel Iwan B
Vidéos