Put your name here

Deuet e oa Herve Ar Gall da Gemperle, e stal levrioù Penn da benn evit kontañ kaoz diwar e levr diwezhañ. Met ouzhpenn da se e oa bet bevet ur pennad fromus gant an holl berzhidi kar skolaer kentañ skol Diwan Kemperle e oa bet Herve. Eñvorennoù e leiz, "brezel ar skolioù" etre Diwan ha skolioù publik kêr Kemperle, ha war lerc'h afer ar c'hantin, skoazell an holl skolioù Diwan e 1994 evit smont da sikour ar skol en arvar, ... ha ganedigezh ur festival, Taol Kurun, bev c'hoazh 27 vloaz goude.

Ur filmig sevenet gant Marido Le Guillou a ziskoueze digoradur ofisiel ar skol e 1989 gant Savin, Ar Peñseg, ha dilennidi ar vro pa oa tomm o c'halon ouzh ar brezhoneg.

Met goude 17 bloavezh e Kemperle, aet e oa Herve da Garaez evit mont betek e leve.

Desket gantañ ar brezhoneg da 14 vloaz a-drugarez da Skol Ober (d'ar mare se e veve e kichen Sant Brieg), tapet ar vachelouriezh he diplomoù skol veur dre lizher, setu ur vuhez nevez goude hini skolaer : istorour ar vro, gant tri levr embannet (ha n'eo ket echu), danevelloù ivez, a gont istor ar Vretoned mare ar Bonedoù ruz (gant komzoù gwir, ha fedoù gwir), Loeiz XV, ar brezel vras, an eil brezelbed.

Ur stourmer eo Herve ivez : UDB, Aita, ha kement zo tout evit difenn ar brezhoneg gant gwaskerezh spontus a zo eus perzh ar stad : manifestadegoù, aloubadeg Radio Bleu Breizh Izel, ...

Hag ur skrivagner gant ur bluenn fin, tapet ar priz Langleiz gantañ e 2003, priz kêr Karaez e 2011, c'hoant gantañ da zreuzkas ar spered stourm, hag ar fed e oa (hag emañ) tud kalet, gouest da cheñch an traoù : mare ar Bonedoù ruz e Groñvel. Piv oar e oa ken kreñv gallout ar ar beisanted a oa deuet a-benn da skarazhañ an noblañsed eus o c'hastell ?

Lennit "Mont gant an hentoù" ha dizoloet e vo ganeoc'h tammoù istor Vreizh hag ivez tammoù istor Herve o vont da besketañ 20 kilo loened a bep seurt e bae Sant Brieg, lapined gant ur fured, gouest da lazhañ gant e dad razhed a chome dirak an ti evit spontañ tud an iliz o tont d'an oferenn... Ha pennadoù erotek ivez, A bep seur livioù a zo gant an dastumad danevelloù-mañ, evel golo al levr !

• Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
• Priz ar Vugale : div enrolladenn dija, hag ur c'haier poelladennoù par Kerne Multimedia le 13/10/2023
• Gwernioù kuzhet, ul levr brav da brofañ ! par Kerne Multimedia le 30/10/2022
• Penn da benn : deuit niverus da skoazell ar stal ! par Kerne Multimedia le 04/09/2022
• 10 levr enrollet gant Keit Vimp Bev ha fea par Tvbro kemperle le 16/02/2022
• Me garfe mont : un doare dic'hortoz da selaou Grall par Kerne Multimédia le 30/12/2021
• Villon et Grall expliqués aux lycéens par Kerne Multimédia le 28/11/2021
• War bord an oabl : un abadenn e Kemperle leun a varzhoniezh par Kerne Multimédia le 20/11/2021
• Grall : les hommages et les débats commencent en Pays de d'Aven par Kerne Multimédia le 14/11/2021
• Pevar levrig nevez evit ar moused par Kerne Multimédia le 03/10/2021