Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Rapport -
Goude Erdeven, Ploure, An Arzhanaou ...

Diaes eo kavout peadra da sevel hentoù nevez, tiez nevez ... Ret eo krouiñ ur vaengleuz nevez, klask traez, kenderc'hel war an hent-se pa vez bro Sued o paouez da grouiñ

Fanny Chauffin pour ABP le 25/07/09 3:29

Diaes eo kavout peadra da sevel hentoù nevez, tiez nevez ... Ret eo krouiñ ur vaengleuz nevez, klask traez, kenderc'hel war an hent-se pa vez bro Sued o paouez da grouiñ hentoù nevez ...

Pobl an tevennoù ba Erdeven a zo deuet a-benn da cheñch penn d'ar vazh. B'an Arzhanaou avat e vo start abalamour d'an dud a zo war an dachenn : Pigeon hag Eurovia o deus rakprenet lodennoù un dachenn 60 devezh arrez. Goude mais ha gwiniz Monsanto e vo hadet avel an disemglev barzh ar vro.

Ganet eo ur gevredigezh evit difenn ar stêr Elle hag a vo saotret hag evit klask diskoulmoù all (heoliek, tourioù avel,koadoù, ...) anvet "Elle vev". Klask a reont tud evit sikour anezho : 02 98 71 74 94. Ul lec'hienn a vo a-benn digwener e anv "Ellé vivante".

Ar video a ziskouez maen-gleuz Gwellegouarc'h, an hini vrasañ e Penn ar bed : ur million a donnennoù pep bloaz. Benn nebeut en Arzhanaou ?

mailbox
Cet article a fait l'objet de 1208 lectures.
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all gant Fanny Chauffin
Vos 1 commentaires
  mark kerrain
  le Mardi 31 août 2010 23:27
Da Brezidant Kuzul Sevenadurel Breizh
Aotrou Prezidant,
Kas a reomp deoc'h hon gourc'hemennoù war-lerc'h hoc'h anvidigezh e penn ar C'huzul Sevenadurel nevez.
Kalz a labour a vo d'ober evit hon yezh, pa weler emañ kuzul Pleuzal, e Treger, o paouez nac'h digoridigezh ur c'hlas divyezhek.
Kavout a ra deomp e vank e Breizh ur bern binvioù evit reiñ yec'hed d'hon yezh, ha soñjal a ra dimp n'hallomp ket tremen ken hep ur skingomz vrezhonek vroadel e Breizh, 32 vloaz war-lerc'h krouidigezh Radio Cymru, e Kembre e 1977.
Skingomzoù zo dija hag a skign brezhoneg marteze, met ne vezont ket klevet nemet e kornioù zo : e kêrioù evel Naoned ha Roazhon, ma vez kalz a dud o komz hag o teskiñ ar yezh ne glever skingomz brezhoneg ebet, hag e Brest eo peuzdibosubl. Ouzhpenn-se n'eo ket brezhoneg a vez klevet a-hed an deiz gant an holl skingomzoù-se, rak darn zo hanter e galleg, lod a skign kalz a sonerezh pe kanaouennoù saoznek dreist-holl, ha ne skignont ket keleier eus Breizh penn da benn, hag eus ar bed nebeutoc'h c'hoazh.
Ezhomm hon eus ur chadenn skingomz peogwir omp brezhonegerien, hag e tlejemp klevout hon yezh n'eus forzh pegoulz ha pelec'h e Breizh, evel ma c'hallomp klevout galleg ha saozneg n'eus forzh pelec'h e Breizh, evel ma vez klevet kembraeg n'eus forzh pelec'h e Kembre, peogwir e verit hon yezh kaout ar binvioù he deus ezhomm da vevañ, a wel d'an holl, ha n'eo kuzhet e korn pe gorn eus ar Genrouedad peogwir eo ur benveg dispar evit sikour ar re a zo o teskiñ ar yezh, peogwir n'haller ket c'hoantaat deskiñ ur yezh ha ne glever ket, hag ivez evit reiñ brud d'ar yezh, evit reiñ kalon ha sikour d'an deskerien, evit klevout ha deskiñ brezhoneg yac'h, evit klevout keleier e brezhoneg, pa n'eus kazetenn ebet na skinwel ebet evit klevout kanaouennoù brezhonek, rak ur yezh ha ne ganer ket enni zo tost da vervel, evit klevout kanaouennoù brezhonek savet gant tud yaouank, rak hep skingomz n'eus ket a ganerien, ha hep kanerien yaouank n'eus ket a yaouankizoù brezhonek, evit broudañ ar c'hrouiñ hag ar grouerien, kanerien ha sonerien Breizh ha ne vezont ket klevet er skingomzoù gallek evit stummañ kazetennerien vrezhonek ha tud yaouank evit micherioù ar c'hleweled, evit reiñ labour e brezhoneg d'ar vrezhonegerien, ha labour frouezhusoc'h evit ar yezh e Breizh penn-da-benn eget labour burev e kevredigezhioù lec'hel.
Prestik e vo dilennet ar C'huzulioù Rannvro nevez, ha dont a ray mare ar promesaoù adarre, marteze ar memes re evel pevar bloaz zo. Trawalc'h gant ar promesaoù toull-didoull, pe ar studiennoù chomet da louediñ en tiretennoù. Ur skingomz vrezhonek zo ezhomm an abretañ ar gwellañ. Hon yezh a dalvez e vije roet an dra-se dezhi e 2010.
Kelenner brezhoneg
Prezidant Sav-Heol Mark Kerrain
(0) 
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 4 multiplié par 0 ?