ABP

ABP e brezhoneg | ABP in English |

- Communiqué de presse -

UL LEVR GALIZEK LAKAET E BREZHONEG

Sonerezh Galiza zo anavezet e Breizh, he lennegezh avat n'eo ket. Poent e oa kavout ul levr brezhonek gant danevelloù eus ar vro-hont, ha n'haller ket kinnig gwelloc'h eget

Mark Kerrain pour Sav-Heol le 21/07/09 18:15

Sonerezh Galiza zo anavezet e Breizh, he lennegezh avat n'eo ket. Poent e oa kavout ul levr brezhonek gant danevelloù eus ar vro-hont, ha n'haller ket kinnig gwelloc'h eget danevelloù Manuel Rivas, ur skrivagner meur, brudet en e vro hag e Spagn a-bezh.

Komz a ra deomp eus e bobl, labourerien, pesketaerien, ha divroidi, doujañs ennañ ouzh an dud reuzeudik, kalet ha bresk war un dro, prest da dec'hel en o hunvreoù.

Komz a ra deomp eus karantez, ouzh an dud evel ouzh ar vuhez, en tu all da gorventennoù an ebr hag an Istor.

Peder danevell zo el levr. En hini hirañ, « Teod ar balafenned » (A lingua das bolboretas) e lenner istor ur vignoniezh etre ur bugel hag ur skolaer er bloaz 1936, pa grogas ar brezel diabarzh. Un danevell fromus, deuet da vout ur film brudet e Spagn.

Embannet 'vez levrioù a-bep sort get kevredigezh Sav Heol, dalc'het gant Mark Kerrain : evit bugale ar skolioù divyezhek, o zud, ar re daet a zesk...
32, bali ar Voudenn
35650 Reuz
02 96 48 03 00

Gwelout pennadoù all Sav-Heol

Vos 0 commentaires

Commenter :

Put your name here

ABP

Embann

Nous suivre