François Hollande : treitour, mallozh dit !

- Communiqué de presse -

Nevez ‘zo hon eus klevet ne vo ket kemmet ar Vonreizh evit ar pezh a sell ouzh ar yezhoù « rannvro ». Gant se ne vo ket posubl d’ar Stad

Collectif Par Ai'ta ! Kreiz Breizh le 18/03/13 21:26

Nevez 'zo hon eus klevet ne vo ket kemmet ar Vonreizh evit ar pezh a sell ouzh ar yezhoù « rannvro ». Gant se ne vo ket posubl d'ar Stad C'Hall peursinañ karta Europa ar Yezhoù Minorel.

Fellout a ra da strollad Ai'ta ! diskuliañ emzalc'h François Hollande hag e vinistred a-orin deus Breizh : treitourien int rak embannet o doa war ar groaz da vare koulzad-kaballiñ 2012 e vefe peursinet ar Garta (promesa niverenn 56 : « Me a lakaio karta ar yezhoù rannvro ha minorel da vezañ peursinet. ») Treitourien int d'ar Vretoned rak tomm eo kalonioù tud hor bro ouzh ar brezhoneg hag ouzh hor sevenadur. Ar bolitikourien-se ne dalvezont ket gwelloc'h eget Nicolas Sarkozy p'en doa eñ prometet e vefe votet ul lezenn da reiñ ur statud d'ar yezhoù « rannvro », ar pezh ne oa ket bet doujet kennebeut all.

Gant an drubarderezh nevez-se ez eus bet diskouezet deomp, ur wech ouzhpenn, penaos ne c'hell kontañ ar Vretoned nemet war o nerzh dezho o-unan, ha ne vo nemet ar stourm a c'hello reiñ un dazont d'hor yezh. Gervel a ra Ai'ta ! neuze an holl dud a fell dezhe e chomo bev ar brezhoneg da stourm dre an holl zoareoù posubl, ha re an disentidigezh sivil en o zouez, evit ma vo anavezet ha doujet er gevredigezh a-bezh hor yezh hag ar re a gomz anezhi.

Voir aussi :

Ar vuhez a-dreñv ar brezel e Bro-Israel - Pennad Kaoz par BREZHOWEB le 13/03/2024
Sikouriñ an evned 'pad ar goañv ! par BREZHOWEB le 23/02/2024
Le FC Lorient devient le permier club professionnel de football à signer la charte pour la langue bretonne par BREZHOWEB le 22/02/2024
Peseurt plas evit ar brezhoneg 'ba bed ar vell-droad ? par BREZHOWEB le 21/02/2024
" Ne vo ket savetaet ar brezhoneg gant ar skol nemetken ! " - Pennad Kaoz gant Gwenole Larvol par BREZHOWEB le 09/02/2024
Environ 1000 personnes ont manifesté à Saint-Brieuc pour la langue bretonne par La rédaction le 03/02/2024
Ar c’henaozadur Kevre Breizh a c’halv d’en em sevel evit difenn ar brezhoneg d'an 3 a viz C'hwevrer e Sant Brieg par Kevre Breizh le 02/02/2024
La coordination Kevre Breizh appelle à la mobilisation pour soutenir la langue bretonne le 3 février à Saint-Brieuc par Kevre Breizh le 02/02/2024

Gwelout pennadoù all Ai'ta ! Kreiz Breizh

Vos 3 commentaires :

Patrick Yves GIRARD Le Lundi 18 mars 2013 22:57

Piv en-doa kredet e talveze ar re-se muioc'h eget ar-re tremenet?

(0)

Denez Pichon Le Mardi 19 mars 2013 19:45

Promesaoù toull evel flouradennoù
Komzoù flour da rastellat mouezhioù
Ministred vevelek o serriñ o genoù
Treitourien Breizh liperien enorioù
Hag ar Vretoned evel leueoù
Testoù habask dismantr hor yezhoù

(0)

Yann Maneguen Le Mardi 19 mars 2013 21:55

da Patrick Yves Girard : Kevre Breizh.
Ar vanifestadeg e Kemper bloaz \'zo a oa evit gwerzhañ hor mouezhioù en eskemm eus promesaoù toull a-berzh ar frank-mason PSF Jean-Yves Urvoas. Hennezh a zo c\'hwen en e loeroù bremañ.
Lous eo ar politikerezh, me \'lar dit !!
Ret e vo da Aïta sonjal en em harpañ war ur strollad politikel dezhañ e-unan evit chom kempoell, unan broadelour ha neptu mod all.
Rak gwir eo n\'heller kontañ war strollad gall ebet na zoken war strolladoù sañset breton hogen gwerzhet-naet d\'ar c\'hallaoued evel UDB e kazel-gae gant ar PSF.

(0)

Commenter :

Put your name here

ABP

Embann

Nous suivre